الەمدە COVID-19 ۆيرۋسىن جۇقتىرۋ جانە ءولىم سانى سوڭعى ەكى ايدا العاش رەت تاعى ارتىپ، پاندەميانىڭ اياقتالۋدان الىس ەكەنىن كورسەتىپ وتىر. بۇل تۋرالى جەنيەۆادا وتكەن بريفينگ كەزىندە دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس ادانوم گەبرەيەسۋس ءمالىم ەتتى، دەپ حابارلايدى almaty-akshamy.kz قازاقپاراتقا سىلتەمە جاساپ.
ۇيىم باسشىسىنىڭ ايتۋىنشا، پاندەميانىڭ بەتى قايتپاۋىنا نەگىزىنەن ونىمەن كۇرەس قۇرالدارىنا قولجەتىمدىلىك اركەلكى بولعانى سەبەپشى بولىپ وتىر. بۇل مۇقتاجدىق ءۇشىن ددسۇ-عا 23 ملرد دوللاردان استام قاراجات قاجەت.
«بۇگىندە ءبىز COVID-19 ۆيرۋسىمەن كۇرەس جۇرگىزۋدى جوسپارلاۋ ءۇشىن جاڭا بيۋدجەتتى جاريالاپ وتىرمىز. ەلدەرگە ۆيرۋسپەن كۇرەس جۇرگىزۋ جولىندا ۇلكەن ماقساتتارعا قول جەتكىزىپ، قاجەتتى قۇرالدار ۇسىنۋ ءۇشىن الداعى 12 ايدا 23،4 ميلليارد دوللار قاراجات كەرەك. بۇل باستامانى تولىق قارجىلاندىرۋ – ددسۇ ستراتەگياسىنىڭ، دايارلىق جانە ەلەۋ جوسپارىنىڭ، پاندەميانى باقىلاۋعا الۋ بويىنشا ءبارىن قامتيتىن جوسپارىمىزدىڭ ماڭىزدى بولىگى»، - دەپ اتاپ ءوتتى ت.گەبرەيەسۋس.