الەم جاڭالىقتارى
مالي رەسپۋبليكاسى جۇڭگو سىيعا تارتقان COVID-19 ۆاكسينالارىنىڭ تاعى ءبىر پارتياسىن الدى، دەپ حابارلايدى Almaty-akshamy.kz Covid-19 تارالۋىنا جول بەرمەۋ جونىندەگى ۆاك-قا سىلتەمە جاساپ.
ءبىر كۇن بۇرىن باماكو مەملەكەتىنىڭ استاناسىنا قحر فارماسيەۆتيكالىق كونسەرنى وندىرگەن پرەپارات پارتياسى كەلدى. ۆاكسينالاردى كۇتىپ الۋ راسىمىنە قحر ەلشىسى چەن چجيحۋن مەن ءماليدىڭ دەنساۋلىق ساقتاۋ جانە الەۋمەتتىك دامۋ ءمينيسترى دەميناتۋ سانگارە قاتىستى. مينيستر قىتايدىڭ ماليگە ىندەتكە قارسى دارى-دارمەكتەردىڭ بىرنەشە پارتياسىن ۇسىنعاندىعىن جانە بۇل پاندەميامەن كۇرەسۋگە كومەكتەسكەنىن، جۇڭگو ۆاكسينالارى ءتيىمدى جانە سەنىمدى ەكەنىن اتاپ ءوتتى.
ال، يسپانيادا سوڭعى ەكى اپتادا COVID-دىڭ 1،5 ميلليونعا جۋىق جاڭا جاعدايى انىقتالدى، ءبىراق يسپانيا COVID-19 التىنشى تولقىنىنىڭ شىڭىنان ءوتتى. بۇل تۋرالى ەلدىڭ دەنساۋلىق ساقتاۋ ءمينيسترى كارولينا دارياس مالىمدەدى.
«كۆي جۇقتىرۋ دەرەكتەرى كۇن سايىن راستالۋدا، دەگەنمەن ءبىز كۇن سايىن اۋرۋشاڭدىق كورسەتكىشىنىڭ تومەندەپ كەلە جاتقانىن كورىپ وتىرمىز»، - دەدى دارياس.
التىنشى تولقىن كەزىندە ينفەكسيالار سانى ءبىر جىل بۇرىن بەلگىلەنگەن كورسەتكىشتەردەن 7 ەسە كوپ بولدى. سونىمەن قاتار، رەانيماسيا بولىمشەلەرىندەگى اۋرۋحاناعا جاتقىزۋ جانە توسەك-ورىن تولتىرۋ الدەقايدا تومەن بولدى. دارياستىڭ ايتۋىنشا، بۇعان ەلدەگى ۆاكسيناسيانىڭ جوعارى دەڭگەيى ىقپال ەتتى-90%-دان استامى، سونداي-اق اۋىر زارداپتاردىڭ از بولۋى «وميكرون» شتامىنىڭ ەرەكشەلىكتەرى.