كوروناۆيرۋسپەن اۋىرعان ادامنىڭ داۋىسى جوعالۋى مۇمكىن
كوۆيد كەزىندە داۋىستىڭ جوعالۋى ينفەكسيانىڭ تومەنگى تىنىس جولدارىنا وتكەنىن بىلدىرەدى، دەپ حابارلايدى Almaty-akshamy.kz رەن-تۆ-عا سىلتەمە جاساپ.
- كوروناۆيرۋستان ناۋقاستار داۋىستى تولىقتاي نەمەسە ءىشىنارا جوعالتۋى مۇمكىن، - دەدى دەفەكتولوگ-فونوپەد، دوسەنت روديون بارابانوۆ.
ول مۇنداي اسقىنۋ ەڭ الدىمەن كومەيدىڭ قابىنۋى مەن تىنىس الۋ فۋنكسياسىنىڭ بۇزىلۋى اياسىندا داميتىنىنا نازار اۋداردى. سونىمەن قاتار، بۇل سيمپتوم ينفەكسيانىڭ تومەنگى تىنىس جولدارىنا ەنە باستاعانىن كورسەتەدى.
"داۋىس قاتپارلارى يكەمدىلىگىن جوعالتا باستايدى، جۇمسارادى. بۇل ديسفونياعا، ياعني داۋىستىڭ ءىشىنارا جوعالۋىنا نەمەسە افونياعا، ياعني سويلەۋ قابىلەتىنىڭ تولىق بولماۋىنا اكەلەدى"، — دەپ ءتۇسىندىردى بارابانوۆ.
ەنگەلگارت اتىنداعى مولەكۋلالىق بيولوگيا ينستيتۋتىنىڭ جاسۋشا پروليفەراسياسى زەرتحاناسىنىڭ مەڭگەرۋشىسى، پروفەسسور پەتر چۋماكوۆ داۋىستىڭ جوعالۋى كوروناۆيرۋستان كەيىن بىرنەشە ترومبوزدىڭ پايدا بولۋىنىڭ سالدارى بولۋى مۇمكىن ەكەنىن اتاپ ءوتتى.