كيپر رەسپۋبليكاسى بالالارعا 5 جاستان باستاپ ۆاكسيناسيا جۇرگىزەدى.
Covid-19 تارالۋىنا جول بەرمەۋ جونىندەگى ۆاك-تىڭ تەلەرام كانالىنىڭ مالىمەتى بويىنشا، ددۇ ماماندارى ينفەكسيانىڭ سالدارىنان كوز جۇمۋ سانى كوبەيەدى دەپ بولجام جاسادى، دەپ حابارلايدى Almaty-akshamy.kz
دۇنيەجۇزىلىك دەنساۋلىق ساقتاۋ ۇيىمى «وميكرون» شتامىنا بايلانىستى اۋرۋحاناعا جاتقىزۋ جاعدايلارىنىڭ ءوسۋى كۇتىلىپ وتىرعانىن مالىمدەدى. بۇل بولجام SARS-CoV-2 جاڭا مۋتاسياسىنىڭ بەلسەندى تارالۋىمەن بايلانىستى. سونداي-اق، ددۇ ماماندارى ينفەكسيانىڭ سالدارىنان كوز جۇمۋ سانىنىڭ كوبەيۋىنە بولجام جاسايدى. بۇل رەتتە، حالىقارالىق ساراپشىلار بارلىق كلينيكالىق جاعدايدى ءتۇسىنۋ ءۇشىن وبەكتيۆتى تالدامالىق دەرەكتەر قاجەت ەكەنىن اتاپ ءوتتى. ددۇ الداعى اپتالاردا «وميكرون» تۋرالى ناقتى ءارى اۋقىمدى اقپارات كۇتەدى.
كوروناۆيرۋسقا قارسى الەمدەگى العاشقى ۆاكسينانى جاساۋشىلار گامالەيا اتىنداعى ەپيدەميولوگيا جانە ميكروبيولوگيا عىلىمي ورتالىعى كەلەسى جىلدىڭ قاڭتارىندا رەسەيدىڭ «سپۋتنيك V» ۆاكسيناسىن ماقۇلداۋ اياسىندا ددۇ دەلەگاسياسىنىڭ كەلۋىن كۇتۋدە. بۇل تۋرالى ورتالىق باسشىسىنىڭ ورىنباسارى دەنيس لوگۋنوۆ مالىمدەدى. «سپۋتنيك V» پرەپاراتىنىڭ تيىمدىلىگى مەن قاۋىپسىزدىگى الەمنىڭ كوپتەگەن ەلدەرىندەگى كلينيكالىق سىناقتارمەن جانە ناقتى دەرەكتەرمەن راستالعانى بەلگىلى. «سپۋتنيك V» ۆاكسيناسىن پايدالانۋ 71 مەملەكەتتە ماقۇلداندى، - دەپ اتاپ ءوتتى ءوز كەزەگىندە رتيق باسشىسى كيريلل دميترييەۆ. دجونس حوپكينس ۋنيۆەرسيتەتىنىڭ ستاتيستيكاسىنا سايكەس، پاندەميا باستالعاننان بەرى اقش-تا covid-19 راستالعان جاعدايلاردىڭ سانى 50 ميلليوننان استى، اۋرۋ سالدارىنان 797 916 ناۋقاس قايتىس بولدى. ينفەكسيالاردىڭ ەڭ كوپ سانى كاليفورنيادا - 5 169 348، تەحاس شتاتىندا – 4 394 772 تىركەلدى. فلوريدادا 3،75 ميلليوننان استام covid-19 جۇقتىرۋ دەرەگى راستالدى، نيۋ-يورك شتاتىندا - 2،85 ميلليوننان استام، يللينويس شتاتىندا - 1،9 ميلليوننان استام جاعداي انىقتالعان.
كيپر رەسپۋبليكاسى بالالارعا 5 جاستان باستاپ ۆاكسيناسيا جۇرگىزەدى. 16 جەلتوقساندا 5-11 جاستاعى بالالاردى كوروناۆيرۋسقا قارسى يممۋنداۋ ناۋقانى باستالادى. «ۆاكسيناسيا بارلىق پروۆينسيالارداعى دەنساۋلىق ساقتاۋ مينيسترلىگىنىڭ انا مەن بالانى قورعاۋ ورتالىقتارىندا جۇرگىزىلەدى»، - دەدى دەنساۋلىق ساقتاۋ ءمينيسترى ميحاليس حادزيپاندەلاس. سونىمەن قاتار مينيستر 15 جەلتوقساننان باستاپ «وميكرون» شتامى نەمەسە SARS-CoV-2 باسقا دا جاڭا مۋتاسياسى انىقتالعان ادامداردى مىندەتتى تۇردە وقشاۋلاۋ ەنگىزىلگەنىن مالىمدەدى. سونداي-اق، سانيتاريالىق تالاپتار ساقتالماعان جاعدايدا جەكە كومپانيالار ۇيىمداستىرعان روجدەستۆولىق ءىس-شارالار توقتاتىلادى. ارگەنتينا بيلىگى جاپپاي ءىس-شارالارعا بارۋ ءۇشىن سانيتاريالىق رۇقساتناما ەنگىزەدى. Covid-19-عا قارسى تولىق ۆاكسيناسيادان وكەندىگى تۋرالى راستاۋ 1 قاڭتاردان باستاپ 13 جاستان اسقان بارلىق ادامداردان تالاپ ەتىلەدى.
تايلاند ريەۆاكسيناسيا مەرزىمىن 6 ايدان 3 ايعا دەيىن قىسقارتادى. «وميكروننىڭ» جاڭا شتامىمەن كۇرەستە يممۋنيتەتتى ارتتىرۋ ءۇشىن ءتيىستى شەشىم قابىلداندى.
ۇلىبريتانيادا «وميكرون» شتامىن جۇقتىرعان العاشقى ناۋقاس قايتىس بولدى. ۇلىبريتانيا پرەمەر-مينيسترى «وميكرون» شتامىنان تۋىنداعان اۋرۋ جەڭىل تۇردە جۇرەدى دەگەن يدەيانى «ءبىرجولا قويۋعا» جانە كوروناۆيرۋستىڭ جاڭا نۇسقاسىنىڭ تارالۋ جىلدامدىعىنا نازار اۋدارۋعا شاقىردى.