Coursera ونلاين ءبىلىم بەرۋ الاڭى Global Skills Report 2023 جاڭا ەسەبىن جاريالادى.
باياندامادا ورنالاستىرىلعان كۋرستارعا سۇرانىس جانە ولاردى تىڭداۋشىلاردىڭ ءساتتى ءوتۋى زەرتتەلگەن، دەپ حابارلايدى Almaty-akshamy.kz قازاقپاراتقا سىلتەمە جاساپ.
عىلىم جانە جوعارى ءبىلىم ءمينيسترى ساياسات نۇربەكتىڭ مالىمەتىنشە، قازاقستان جالپى الەمدىك ەسەپتە 31-ورىندى يەلەنگەن. باياندامادا قازاقستاندا ءبىلىم الۋشىلار تەحنولوگيالىق داعدىلار بويىنشا جەتىستىككە جەتىپ جاتقانى، Technology كورسەتكىشى 96% قۇرايتىنى اتاپ وتىلگەن.
«رەيتينگ قۇراۋشىلار كەلەسى ءبىلىم ساناتتارىن قاراستىرادى:
Business – مەنەدجمەنت، كوممۋنيكاسيا، قارجى جانە بۋحگالتەرلىك ەسەپ سياقتى بيزنەستى باسقارۋعا قاتىستى داعدىلار؛
Technology – ىت-جۇيەلەر مەن باعدارلامالىق جاساقتامانى قۇرۋ، قولداۋ جانە ماسشتابتاۋ ءۇشىن قاجەتتى داعدىلار؛
Data Science – شەشىمدەر قابىلداۋ ءۇشىن نەمەسە ازىرلەنىپ جاتقان ونىمدەر مەن قىزمەتتەردە كومپانيالار جاساعان ءبىلىمدى جيناۋ جانە پايدالانۋ داعدىلارى.
2023 جىلى زەرتتەۋ بازاسىن الەمنىڭ 100 ەلىنەن 124 ملن ستۋدەنت قۇرادى»، - دەپ جازدى مينيستر.
بۇل رەيتينگتەگى پوزيسيانى ارتتىرۋعا ق ر عىلىم جانە جوعارى ءبىلىم مينيسترلىگىنىڭ ەلىمىزدىڭ 25 جوعارى وقۋ ورنىنىڭ ءبىلىم بەرۋ باعدارلامالارىندا 600-دەن استام كۋرستاردى ەنگىزۋ ارقىلى سيفرلىق ەكونوميكا ءۇشىن 20 000 ستۋدەنت پەن وقىتۋشىنى دايارلاۋ جونىندەگى باستاماسى ىقپال ەتۋدە.