مينيستر قازاقستان سينوپتيكتەرىنە قاتىستى ءسۇيىنشى حابار ايتتى.
ەكولوگيا جانە تابيعي رەسۋرستار ءمينيسترى ءزۇلفيا سۇلەيمەنوۆا قازاقستاندىق سينوپتيكتەردىڭ جالاقىسى كوتەرىلەتىنىن ايتتى، - دەپ حابارلايدى Almaty-akshamy.kz
"قازگيدرومەت" قىزمەتكەرلەرى جالاقىسىن كوتەرۋگە بولىنەتىن قاراجاتتى قامتاماسىز ەتتىك! بيىل جالاقى 26-دان 111 پايىزعا دەيىن كوتەرىلەدى. بۇگىن سەنات "قازگيدرومەت" قىزمەتكەرلەرىنىڭ جالاقىسىن كوتەرۋگە قاراجات قاراستىراتىن "رەسپۋبليكالىق بيۋدجەتتى ناقتىلاۋ تۋرالى" زاڭدى قابىلدادى. كەيىنگى ەكى ايدا وسى ماقساتتارعا كومپانيا بيۋدجەتىن ۇلعايتۋ قاجەت ەكەنىن قورعاپ كەلەمىز. مەن بارىنە قولداۋ كورسەتكەنى ءۇشىن العىس ايتامىن"، - دەپ جازدى مينيستر Instagram-پاراقشاسىندا.
ونىڭ ايتۋىنشا، باسقارما 2023 جىلدان باستاپ ورمان جانە بالىق شارۋاشىلىعى قىزمەتكەرلەرىنىڭ جالاقىسىن كوتەرۋ بويىنشا دا جۇمىس ىستەپ جاتىر.
"مەملەكەت باسشىسى وسى زاڭعا قول قويعاننان كەيىن بارلىق ءتيىستى پروسەدۋرالىق ماسەلەلەردى مۇمكىندىگىنشە تەزىرەك جۇزەگە اسىرۋعا كىرىسەمىز. سونداي-اق، قىزمەتكەرلەرىمىزدىڭ جاعدايىن جاقسارتۋ بويىنشا جۇمىستى جالعاستىرامىز"، - دەپ قوستى سۇلەيمەنوۆا.