اتىراۋلىق سۋرەتشى جەلى قولدانۋشىلارىن تاڭعالدىردى.
اتىراۋدا Sandero ماركالى كولىكتىڭ ارتقى تەرەزەسىنە وليمپيادا چەمپيونى ەلدوس سمەتوۆتىڭ پورترەتىن سالىپ العان جۇرگىزۋشى ەل نازارىن اۋداردى، دەپ حابارلايدى aqshamnews.kz
ەرەكشە كارتينانىڭ اۆتورى 34 جاستاعى اتىراۋلىق اسلان جازيكوۆ ەلدوس سمەتوۆتىڭ وليمپياداداعى تاريحي جەڭىسىنەن كەيىن شابىتتانىپ، كولىگىنىڭ اينەگىنە چەمپيوننىڭ سۋرەتىن اينىتپاي سالعان. اۆتوردىڭ تۋىندىسى سىرىڭكەنىڭ تالى مەن ماقتا تاياقشاسىنىڭ كومەگىمەن سالىنعان.
"دزيۋدوشى ەلدوس سمەتوۆتىڭ وليمپياداداعى جەكپە-جەگىن كورىپ قاتتى قۋاندىم. شابىت كەلىپ، بىردەن كولىگىمنىڭ تەرەزەسىنە پورترەتىن سالا باستادىم. تۋىندىم تەز ءارى وڭاي جاسالدى. وسىلايشا قازاق سپورتشىسىنا قولداۋ ءبىلدىردىم. قالا كوشەلەرىندە سيگنال بەرىپ، جۇمىسىمدى باعالاپ جاتقاندار كوپ"، - دەيدى اسلان جازيكوۆ.
بۇل اۆتوردىڭ العاشقى تۋىندىسى ەمەس. بۇعان دەيىن ول ەلدوس سمەتوۆتىڭ جانە باسقا دا سپورتشىلاردىڭ پورترەتىن اعاشتان ويىپ جاساعان. اتىراۋلىق جىگىت كىشكەنتاي كەزىنەن سۋرەت سالۋعا يكەمى بولعانىن ايتادى. ءبىراق باعدارلاماشى ماماندىعىن مەڭگەرىپ، قازىرگى كەزدە جەكە كومپانيالاردىڭ بىرىندە ستراتەگيالىق دامۋ بولىمىندە قىزمەت اتقارادى.
"سۋرەتتى تەك حوببي ءۇشىن سالامىن. ەشقانداي تاپسىرىس المايمىن. وندايعا قولىم جۇرمەيدى. شابىت كەلگەن ۋاقىتتا عانا سۋرەت سالامىن"،- دەيدى ول.
اسلان وتباسىلى، ءۇش بالانىڭ اكەسى، بالالارى دا سۋرەتكە يكەمى بار ەكەنىن ايتادى. ال 9 جاستاعى قىزى داريا دزيۋدومەن اينالىسادى، تۋرنيرلەردىڭ جەڭىمپازى.