اۋىزشا نەمەسە جازباشا تۇردە ار-نامىستى قورلاعانى ءۇشىن جاۋاپكەرشىلىك قاراستىرىلعان.
قازاقستاندا الەۋمەتتىك جەلىلەردەگى ءۇي چاتتارىندا وسىنداي توپتاردا ايتىلعان بالاعات سوزدەر مەن ءتىل تيگىزۋ ارەكەتتەرى ايىپپۇلعا نەمەسە باسقا اكىمشىلىك جازاعا اكەپ سوقتىرۋى مۇمكىن، دەپ حابارلايدى aqshamnews.kz
قازاقستان رەسپۋبليكاسىنىڭ قىلمىستىق كودەكسىنىڭ 131-بابىنا سايكەس، اۋىزشا نەمەسە جازباشا تۇردە ار-نامىستى قورلاعانى ءۇشىن جاۋاپكەرشىلىك قاراستىرىلعان.
قورلاۋ دەگەنىمىز – باسقا ادامنىڭ ار-نامىسى مەن قادىر-قاسيەتىن ادەپسىز تۇردە كەمسىتۋ. ەگەر مۇنداي ارەكەت اۋىزشا ايتىلسا: جازا مولشەرى: 100 اەك-كە دەيىن ايىپپۇل (2025 جىلى 393 200 تەڭگە)، نەمەسە سول كولەمدە تۇزەۋ جۇمىستارى، نە 120 ساعاتقا دەيىن قوعامدىق جۇمىستار. ال ەگەر قورلاۋ الەۋمەتتىك جەلىلەردە، سونىڭ ىشىندە چاتتاردا جازىلسا، جازا ءبىرشاما قاتاڭداتىلادى: جازا مولشەرى: 200 اەك-كە دەيىن ايىپپۇل (2025 جىلى 786 400 تەڭگە)، نەمەسە سول كولەمدە تۇزەۋ جۇمىستارى، نە 180 ساعاتقا دەيىن قوعامدىق جۇمىستار.
ەگەر ءسىز ار-نامىس پەن قادىر-قاسيەتىڭىزدى قورلاۋ فاكتىسىنە تاپ بولساڭىز، قۇقىق قورعاۋ ورگاندارىنا شاعىمدانا الاسىز. شاعىمعا دالەل رەتىندە چاتتاعى حات الماسۋ نەمەسە بالاعات سوزدەردىڭ سكرينشوتتارىن قوسا الاسىز. سودان كەيىن ارنايى لينگۆيستيكالىق ساراپشىلار ماسەلەنى زەرتتەپ، ايتىلعان سوزدەردىڭ قورلاۋعا جاتاتىن-جاتپايتىنىن انىقتايدى.