ورتاشا مەديسينالىق اۆياسيا تاۋلىگىنە 15 ۇشۋعا دەيىن جۇزەگە اسىرىلادى
جىلى سانيتاريالىق اۆياسيانىڭ كومەگىمەن 4420 پاسيەنتكە كومەك كورسەتىلگەن. بۇل تۋرالى ق ر دەنساۋلىق ساقتاۋ مينيسترلىگىنىڭ Telegram كانالىنان ءمالىم بولدى، دەپ حابارلايدى Almaty-akshamy.kz.
ونداعى مالىمەتتەگە قاراعاندا، مەديسينالىق اۆياسيانىڭ كومەگىمەن قىزمەتكەر كورسەتىلگەندەردىڭ 1468ء-ى (33 %) پاتولوگياسى بار بالا، 730-ى (17 %) جاراقاتتانعان، جايسىز جاعدايعا تاپ بولعان، ۋلانعاندار. سونداي-اق اتالعان تىزىمدە اكۋشەرلىك پراكتيكاداعى شۇعىل جاعدايلار بويىنشا قىزمەت كورسەتىلگەن پاسيەنتتەر859 (19 %)، قاناينالىم جۇيەسى اۋرۋلارى بار پاسيەنتتەر 560 (13 %)، جاڭا تۋعان بالالار 517 (12 %)، باسقا اۋرۋلارى بار 286 (6%) تۇرعىندار بار.
2022 جىلدىڭ قورىتىندىسى بويىنشا 5230 مەديسينالىق قىزمەت ورىندالدى، ونىڭ ىشىندە: مەديسينالىق ۇيىمدارعا 2381 پاسيەنت (45%) تاسىمالداندى، 153 كۇندىزگى كونسۋلتاسيا (3%) وتكىزىلدى، 205 وپەراسيا (4%) ورىندالدى، 2491 (48%) قاشىقتان مەديسينالىق قىزمەت ۇيىمداستىرىلدى.
حالىققا كونسۋلتاسيالىق جانە جەدەل مەديسينالىق كومەك كورسەتۋ ءۇشىن استانا، الماتى قالالارىنىڭ رەسپۋبليكالىق كلينيكالارى مەن مەديسينالىق ۇيىمدارىنان 251 مامان تارتىلدى.
«مەديسينالىق اۆياسيا جۇمىسى پاسيەنتتەردى تاسىمالداۋ، بەتپە-بەت كونسۋلتاسيالار، وپەراسيالار جۇرگىزۋ، قاشىقتان مەديسينالىق قىزمەتتەر كورسەتۋ، دونورلىق اعزالار مەن بيوماتەريالداردى تاسىمالداۋ سياقتى باعىتتاردا جۇرگىزىلەدى. بۇگىنگى تاڭدا رەسپۋبليكا بويىنشا ورتاشا مەديسينالىق اۆياسيا تاۋلىگىنە 15 ۇشۋعا دەيىن جۇزەگە اسىرىلادى»،-دەلىنگەن حابارلامادا.
سونداي-اق مينيسترلىكتىڭ مالىمەتتەرىنە قاراعاندا، 2022 جىلى مەديسينالىق اۆياسيا نىسانىندا مەديسينالىق قىزمەتتەر كورسەتۋ ءۇشىن ۇلتتىق شۇعىل مەديسينانى ۇيلەستىرۋ ورتالىعىنىڭ ديسپەچەرلىك قىزمەتىنە 2985 ءوتىنىم كەلىپ ءتۇستى، ونىڭ 628-ىنەن باس تارتىلدى (مەتەوجاعدايلار، تەحنيكالىق سەبەپتەر، پاسيەنتتىڭ جاي-كۇيىنىڭ ناشارلاۋى جانە ت.ب.).
2022 جىلدىڭ قورىتىندىسى بويىنشا، مەديسينالىق اۆياسيا 2357، ونىڭ ىشىندە تىكۇشاقتارمەن – 470، ۇشاقتارمەن – 1887 (ونىڭ ىشىندە 41 ۇشۋدى ازاماتتىق اۆياسيانىڭ تۇراقتى رەيستەرىنىڭ اۋە كەمەلەرى ورىندادى) ۇشۋدى ورىندادى.