2020 جىلعى كوروناۆيرۋس تولقىنىنان كەيىن بۋىنى مەن سۇيەگى قاقسايتىن ادامدار كوبەيدى. دارىگەرلەر دەنساۋلىقتى قالپىنا كەلتىرۋ ءۇشىن كوپ قوزعالۋ كەرەكتىگىن، ءارتۇرلى جاتتىعۋلار جاساۋ قاجەتتىگىن ايتىپ جاتادى. ءبىراق ەگدە ادامدارعا قاتتى جاتتىعۋ دا قيىن. وپەراسيادان نەمەسە اۋىر جاراقاتتان سوڭ بىردەن وڭالىپ كەتۋ دە وڭاي ەمەس.
ءقازىر الماتىداعى ءارتۇرلى اۋرۋحانالار مەن شيپاجايلاردا ەمدەلۋشى ازاماتتاردى ءپاسسيۆتى جاتتىعۋ قۇرالدارىنا سۇيەنىپ، ارنايى كۋرستاردان وتكىزە باستادى. بالشىقپەن ەمدەۋ سەكىلدى ءداستۇرلى ەم-دوم تاعى بار.
مىسالعا الماتىلىقتار بارىپ ەمدەلەتىن، ق ر پرەزيدەنتىنىڭ ءىس باسقارماسىنا قاراستى «Almaty Resort» شيپاجايىن الايىق. وندا بۋىن اۋرۋلارىن ەمدەۋدىڭ ءتۇرلى جولى بار. تەك «وڭالتۋ زالىنا» ايىنا كەم دەگەندە 35-40 ادام كەلىپ، كۋرستان ءوتىپ كەتەدى. سونىڭ ىشىندە ورتا ەسەپپەن 20 ناۋقاس تىزەسىنە ەندوپروتەزدەۋ وپەراسياسى جاسالعان سوڭ ارى قاراي تولىق وڭالۋ ءۇشىن كەلەدى. ال ولاردىڭ 90% تىزەسىن بۇگۋ، جازۋىن جاقسارتىپ، تولىق ەمدەلىپ شىعادى.
گەرمانيادان اكەلىنگەن ءارتۇرلى اپپارات ارقىلى اياق-قولدى تىرەۋ نەمەسە قوزعالعاندا جۇمىس ىستەيتىن سىڭىرلەردىڭ جۇمىسىن قالپىنا كەلتىرەدى. اياق-قول سىنعان سوڭ گيپستە ۇزاق جۇرگەندە قوزعالماي قالاتىن يىق، جامباس، تىزە جانە توبىق سەكىلدى كوپتەگەن بۋىن قاتىپ، تارتىلىپ قالادى. يا بولماسا اۋىر جاراقاتتان سوڭ ءتۇيىلىپ نەمەسە كەرىسىنشە سوزىلىپ قالاتىنى بار. سونىڭ ءبارىن قالپىنا كەلتىرۋدىڭ تاسىلدەرى جەتكىلىكتى. كۇش سالماي، اۋرىتپاي اقىرىن عانا اپپاراتتىڭ كۇشىمەن ءپاسسيۆتى جاساۋعا بولادى.
سونىمەن قاتار اپپاراتتان بولەك ارنايى جاتتىعۋلاردىڭ كومەگىمەن، وندا دا دارىگەردىڭ نۇسقاۋىمەن، مەدبيكەنىڭ قاراۋىمەن مەحانيكالىق جاتتىعۋلاردى جاساۋعا، بۇعانانى، ومىرتقانى جانە تاعى باسقا سۇيەك پەن سۇيەكتى جالعاپ تۇرعان بۋىنداردى قالپىنا كەلتىرۋگە، ءسويتىپ قاقساۋ مەن سىرقىراۋدى تولىق باسىپ، ەمدەلىپ شىعۋعا مۇمكىندىك كوپ.
بۇل شيپاجايدا ءداستۇرلى بالشىقپەن ەمدەۋ دە بار. ول ارقىلى بۋىنداعى ىسىكتى قايتارىپ، قان اينالىمىن قالپىنا كەلتىرەدى. شيكىزاتتى نارىنقول اۋدانىنان تاسىمالدايدى. سول سەكىلدى جانارتاۋ بالشىعىمەن ەمدەيتىن ءادىس بار. ونى فانگو-پارافين دەيدى. ارتريتتەر، ارتروزدار، بۇلشىقەت پەن ءسىڭىردىڭ اۋرىسىنۋىن، بۋىننىڭ ىسىگىن قايتارادى.
جالپى بۋىن اۋرۋلارىن ەمدەۋدىڭ بۇدان باسقا دا ءتۇرلى تاسىلدەرى بار. ءبىراق مىندەتتى تۇردە دارىگەرمەن اقىلداسىپ العان ءجون.