بۇۇ تۇركيانىڭ حالىقارالىق اتاۋىن وزگەرتۋدى ماقۇلدادى

ديۋجارريك ەل اتاۋىن وزگەرتۋ حاتتى العان ساتتەن باستاپ كۇشىنە ەنەتىنىن ايتتى

بىرىككەن ۇلتتار ۇيىمى (بۇۇ) تۇركيانىڭ حالىقارالىق اتاۋىن وزگەرتۋ تۋرالى ءوتىنىشىن ماقۇلدادى،  دەپ حابارلايدى Almaty-akshamy.kz  Habertürk باسىلىمىنا سىلتەمە جاساپ.

بىرىككەن ۇلتتار ۇيىمى باس حاتشىسىنىڭ وكىلى ستەفان ديۋجارريك تۇركيا سىرتقى ىستەر ءمينيسترى ميەۆليۋت چاۆۋشوعلۋدان باس حاتشى انتونيۋ گۋتەرريشكە تۇركيانىڭ شەت تىلدەردەگى اتاۋىن Turkiye دەپ وزگەرتۋدى تالاپ ەتەتىن حات العاندارىن ايتتى.

ديۋجارريك ەل اتاۋىن وزگەرتۋ حاتتى العان ساتتەن باستاپ كۇشىنە ەنەتىنىن ايتتى.

«پرەزيدەنت رەجەپ تايىپ ەردوعاننىڭ باسشىلىعىمەن ەلدىڭ بەدەلىن كوتەرۋ ءۇشىن باستالعان پروسەسس اياقتالۋعا جاقىن. بۇگىن بۇۇ باس حاتشىسىنىڭ اتىنا جولداعان حاتىم بويىنشا، ەلىمىزدىڭ اتىن بۇۇ-دا شەت تىلدەرىندە Türkiye دەپ تىركەيمىز. تەك جاقسىلىققا باستاسىن!» – دەپ جازدى چاۆۋشوگلۋ.

وسىلايشا، بۇدان بىلاي Turkiye ("تۋركييە") اتاۋى بارلىق حالىقارالىق فورۋمدا جانە رەسمي قۇجاتتا قولدانىلادى. بۇرىن Turkey، Turkei، Turquie دەپ جازىلعان.

ەسكە سالايىق، تۇركيا بۇۇ-عا ەلدىڭ اتىن شەت تىلدەرىندە جازۋدى وزگەرتۋ تۋرالى رەسمي ءوتىنىش بەرگەن بولاتىن. بۇل تۋرالى تۇركيا ءسىم باسشىسى ميەۆليۋت چاۆۋشوگلۋ ءوزىنىڭ Twitter-دەگى رەسمي پاراقشاسىندا ايتتى.