اۋستريانىڭ ۆەنا قالاسىندا بۇۇ-نىڭ ەسىرتكى زاتتارى جونىندەگى كوميسسياسىنىڭ (CND) 68ء-شى سەسسياسى ءوتتى.
كەزدەسۋدىڭ نەگىزگى تاقىرىبى – ەسىرتكىگە تاۋەلدىلىك پەن قىلمىستىڭ الدىن الۋ شارالارىنا جاستاردى تارتۋ. سونداي-اق قاتىسۋشىلار قوعامدى ەسىرتكى قاۋپىنەن قورعاۋعا ارنالعان ينستيتۋسيونالدى شارالاردى تالقىلادى، دەپ حابارلايدى aqshamnews.kz.
قازاقستاندى حالىقارالىق الاڭدا بۇۇ ەقب ايماقتىق جاستار جەلىسىنىڭ بولىگى سانالاتىن Esbol Qory قورى تانىستىردى.
قور ەسىرتكىگە قاتىستى ۆيرۋستىق كونتەنتتى انىقتاپ، ونى بۇعاتتايتىن «MERGEN» اقپاراتتىق جۇيەسىن تانىستىردى. بۇل جۇيەنىڭ كومەگىمەن قازاقستان اۋماعىندا 4000-نان استام ينتەرنەت-رەسۋرس انىقتالىپ، بۇعاتتالعان.