بۇۇ باس حاتشىسى اۋعانستاندا ادام قۇقىقتارىنىڭ بۇزىلۋىنا جول بەرمەۋگە شاقىردى.
بىرىككەن ۇلتتار ۇيىمىنىڭ باس حاتشىسى انتونيۋ گۋتەرريش «تاليبان» قوزعالىسى (قازاقستاندا تىيىم سالىنعان) مەن اۋعانستانداعى شيەلەنىستىڭ باسقا دا تاراپتارىن بارىنشا سابىرلىق تانىتۋعا شاقىردى، دەپ حابارلايدى Almaty-akshamy.kz قازاقپارات سايتىنا سىلتەمە جاپساپ.
بۇل جونىندە باس حاتشى كەڭسەسىنىڭ جەكسەنبى كۇنى تاراتىلعان مالىمدەمەسىندە ايتىلدى.
«بۇۇ باس حاتشىسىن اۋعانستانداعى جاعداي الاڭداتىپ وتىر. ول «تاليبان» مەن باسقا تاراپتاردى ادامداردىڭ ءومىرىن ساقتاپ قالىپ، ولاردى گۋمانيتارلىق قاجەتتىلىكتەرمەن قامتاماسىز ەتۋ ءۇشىن بارىنشا سابىرلىلىق تانىتۋعا ۇندەدى»، - دەلىنگەن مالىمدەمەدە.
بۇۇ باس حاتشىسى سونداي-اق اۋعانستاندا ادام قۇقىقتارىنىڭ بۇزۋىلۋىن توقتاتۋعا شاقىردى. بۇۇ اۋعانستان تۇرعىندارىنا گۋمانيتارلىق كومەك كورسەتۋگە نيەتتى.