بۇۇ باس حاتشىسى انتونيۋ گۋتەررەش دۇنيەجۇزىلىك ەكونوميكالىق فورۋمدا الەمدى كەلەسى پاندەمياعا دايىندالۋعا شاقىردى، دەپ حابارلايدى Almaty-akshamy.kz
گۋتەررەشتىڭ پىكىرىنشە، الەم كەلەسى پاندەمياعا دايىندالىپ، ءار ەلدە باقىلاۋعا، ەرتە انىقتاۋعا جانە جەدەل ارەكەت ەتۋ جوسپارلارىنا ينۆەستيسيا سالىپ، دۇنيەجۇزىلىك دەنساۋلىق ساقتاۋ ۇيىمىنىڭ بەدەلىن نىعايتۋى كەرەك.
سونىمەن قاتار، ول پاندەميامەن ءادىل جانە تەڭ جاعدايدا كۇرەسۋگە شاقىردى.
گۋتەررەش بۇعان دەيىن ددسۇ 2021 جىلدىڭ سوڭىنا قاراي جەر تۇرعىندارىنىڭ 40 پايىزىن جانە وسى جىلدىڭ ورتاسىنا قاراي 70 پايىزىن ۆاكسينالاۋدى كوزدەيتىن ستراتەگيا جاريالاعانىن ەسكە سالدى.
«ءبىز بۇل ماقساتتاردى كوزدەمەيمىز. بۇل ۇيات، ءبىراق تابىسى جوعارى ەلدەردە ۆاكسينا سالدىرۋ دەڭگەيى افريكا ەلدەرىنە قاراعاندا جەتى ەسە جوعارى. بىزگە ۆاكسينانى تاراتۋ ماسەلەسىندە ءادىل بولۋ قاجەت»، - دەدى ول.
گۋتەررەش مەملەكەتتەر مەن وندىرۋشىلەر COVAX مەحانيزمىنە ۆاكسينا جەتكىزۋگە باسىمدىق بەرىپ، بۇكىل الەم بويىنشا سىناق، ۆاكسينا، ەمدەۋ ءادىسىنىڭ جەرگىلىكتى ءوندىرىسىن قولداۋى كەرەك ەكەنىن ايتتى.