«جاقسىلىققا سەنىممەن ومىرگە توزىمدىلىكتى نىعايتۋ». بۇۇ باس اسسامبلەياسىنىڭ بۇل جولعى سەسسياسىنىڭ تاقىرىبى وسىلاي اتالدى.
ق ر پرەمەر-مينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى باستاعان قازاقستاندىق دەلەگاسيا نيۋ-يوركتە (اقش) وتەتىن بىرىككەن ۇلتتار ۇيىمى باس اسسامبلەياسىنىڭ 76-سەسسياسىنىڭ جوعارى دەڭگەيدەگى اپتالىعىنىڭ جۇمىسىنا قاتىسۋدا، دەپ حابارلايدى Almaty-akshamy.kz.
قازاقپارات سايتىنىڭ حابارلاۋىنشا، كۇن تارتىبىندەگى نەگىزگى ماسەلەلەر COVID-19 پاندەمياسىمەن كۇرەس، جاھاندىق قاۋىپسىزدىك پەن تۇراقتىلىق، ورنىقتى دامۋ، سونداي-اق كليماتتىڭ وزگەرۋى ماسەلەلەرى بولدى. اۋعانستانداعى جاعدايعا ەرەكشە نازار اۋدارىلاتىن بولادى. سەسسيا شەڭبەرىندە جوعارى دەڭگەيدەگى ءبىرقاتار ءىس-شارالار، ونىڭ ىشىندە ازىق-تۇلىك جۇيەلەرى جونىندەگى سامميت، ەنەرگەتيكا جونىندەگى جوعارى دەڭگەيدەگى ديالوگ، COVID-19 جونىندەگى جاھاندىق سامميت، تەڭىزگە شىعا المايتىن دامۋشى ەلدەر توبىنا مۇشە مەملەكەتتەردىڭ مينيسترلىك كەزدەسۋى، يادرولىق سىناقتارعا جان-جاقتى تىيىم سالۋ تۋرالى شارتتىڭ كۇشىنە ەنۋىنە جاردەمدەسۋ جونىندەگى مينيسترلىك كونفەرەنسيا وتەدى.
قازىرگى سەسسيا گيبريدتى رەجيمدە وتۋدە. نيۋ-يورككە 120-عا جۋىق شەت مەملەكەتتەردىڭ وكىلدەرى كەلىپ، پىكىرتالاستارعا قاتىسادى. باس حالىقارالىق مىنبەردەن الەمگە 196 بۇۇ-عا مۇشە ەلدەر جانە بايقاۋشىلاردىڭ مەملەكەت، ۇكىمەت، سىرتقى ساياسي ۆەدومستۆولارىنىڭ باسشىلارى مەن جوعارى وكىلدەرى ءسوز سويلەيدى. قازاقستان رەسپۋبليكاسىنىڭ اتىنان بەينە ۇندەۋ فورماتىندا مەملەكەت باسشىسى قاسىم-جومارت توقايەۆ ءسوز سويلەيدى. قازاقستاننىڭ سىرتقى ساياسي ۆەدومستۆوسى باسشىسىنىڭ باعدارلاماسىندا ءبىرقاتار ەكىجاقتى كەزدەسۋلەر مەن كوپجاقتى ءىس-شارالارعا قاتىسۋ جوسپارلانعان.
ءبىرىنشى كۇنى مينيستر م.تىلەۋبەردى ليتۆا سىرتقى ىستەر ءمينيسترى گابريەليۋس لاندسبەرگيس، سينگاپۋر سىرتقى ىستەر ءمينيسترى ۆيۆيان بالاكريشنان، اۋستريا سىرتقى ىستەر ءمينيسترى الەكساندر شاللەنبەرگ، سيريا سىرتقى ىستەر ءمينيسترى فەيسال ميكداد جانە چەرنوگوريا سىرتقى ىستەر ءمينيسترى دجوردجە رادۋلوۆيچپەن ەكىجاقتى بولەك كەلىسسوزدەر جۇرگىزدى. سونىمەن قاتار، مينيستر اۋستريا كانسلەرى سەباستيان كۋرس ۇيىمداستىرعان «اۋعانستان حالقىن، اسىرەسە، اۋعانستان مەن وڭىردەگى ايەلدەر مەن بالالاردى قورعاۋ» بويىنشا جوعارى دەڭگەيدەگى دوڭگەلەك ۇستەلگە قاتىستى.