حالك ماسلاحاتى (حالىق كەڭەسى) ءتوراعاسى جانە تۇرىكمەنستاننىڭ بۇرىنعى پرەزيدەنتى گۋربانگۋلى بەردىمۇحامەدوۆكە «ۇلت اكەسى» دەگەن جاڭا اتاق بەرىلدى، دەپ حابارلايدى aqshamnews.kz Turkmen.news-كە سىلتەمە جاساپ.
پارلامەنت پەن ۇكىمەتتىڭ بىرلەسكەن وتىرىسىندا بەردىمۇحامەدوۆكە وسىلايشا رەسمي تۇردە «ۇلت اكەسى» دەپ جۇگىنگەن. اشحابادتاعى باقىلاۋشىلاردىڭ پىكىرىنشە، بۇل اتاق ونىڭ رەسمي مارتەبەسىنە اينالۋى ابدەن مۇمكىن.
تۇرىكمەنستاننىڭ بۇقارالىق اقپارات قۇرالدارى بۇرىنعى پرەزيدەنتكە قاتىستى جاريالانىمدارىندا «ارقاداع»، ياعني «قامقورشى». سونىمەن قاتار، بۇل تيتۋلعا ءجيى ەپيتەتتەر قوسىلادى: «باتىر ارقاداع»، «مەيىرىمدى ارقاداع»، «عالىم ارقاداع» سەكىلدى جوعارى اتاقتاردى مىندەتتى تۇردە قولدانۋى كەرەك.