فرانسيانىڭ كاسساسيالىق سوتى نيكوليا ساركوزيگە 2021 جىلدىڭ ناۋرىزىندا جەمقورلىق پەن سۋديانى ساتىپ الۋعا ارەكەت جاسادى دەگەن ايىپ بويىنشا شىعارىلعان ۇكىمدى وزگەرىسسىز قالدىردى. ەكس-پرەزيدەنت ءبىر جىل ءۇيقاماقتا ەلەكتروندىق بىلەزىكپەن وتكىزۋگە مىندەتتەلدى، - دەپ حابارلايدى aqshamnews.kz
باستاپقىدا ساركوزي ءۇش جىلعا باس بوستاندىعىنان ايىرىلعان بولاتىن، ءبىراق ونىڭ ەكى جىلى شارتتى تۇردە وتەلەتىن بولىپ شەشىلگەن.
نيكوليا ساركوزي بۇل ۇكىمگە ءپاريجدىڭ اپەللياسيالىق سوتىندا شاعىم تۇسىرگەنىمەن، 2023 جىلدىڭ مامىر ايىندا ونىڭ ءوتىنىشى قاناعاتتاندىرىلمادى. اپەللياسيالىق سوت ۇكىمدى كۇشىندە قالدىرىپ، ءبىر جىل ناقتى جازانى ۇيدە وتەۋ مۇمكىندىگىن بەردى، ءبىراق ول ءۇشىن ەكس-پرەزيدەنت ەلەكتروندىق بىلەزىك تاعۋعا كەلىسكەن.
سارسەنبى كۇنى كاسساسيالىق سوتتا جەڭىلىس تاپقان ساركوزي فرانسيا اۋماعىندا بارلىق زاڭدىق مۇمكىندىكتەرىن سارقىدى. ەندى ۇكىم رەسمي تۇردە كۇشىنە ەنەدى.
سۋديا نيكوليا ساركوزيگە ەلەكتروندىق بىلەزىك تاعۋدى مىندەتتەپ، ونى ءبىر جىل بويى الىپ تاستاۋعا تىيىم سالدى.
بۇل شەشىمنىڭ ناتيجەسىندە ساركوزي فرانسيا تاريحىندا تۇرمەگە ۇكىم ەتىلگەن العاشقى ەكس-پرەزيدەنت اتاندى.
ەكس-پرەزيدەنتتىڭ ادۆوكاتى پاتريس سپينوزي ساركوزيدىڭ سوت شەشىمىنە باعىناتىنىن، ءبىراق ەۋروپالىق ادام قۇقىقتارى سوتىنا (ەاقس) شاعىمداناتىنىن مالىمدەدى. ساركوزيدىڭ ءوزى بۇل جاعدايدى «تەرەڭ ادىلەتسىزدىك» دەپ باعالادى.
دەگەنمەن، ءىس ەاقس-قا بىرنەشە اپتا ىشىندە جولدانۋى مۇمكىن، ءبىراق بۇل نيكوليا ساركوزيگە ەش ناتيجە بەرمەيدى. ول ستراسبۋرگتەگى سوتتىڭ شىققانعا دەيىن جازاسىن وتەۋدى جالعاستىرادى.