وڭتۇستىك كورەيا ەلدىڭ 20-سىنشى پرەزيدەنتىن سايلايدى
پرەزيدەنت بولۋعا 10-نان استام ادام ءۇمىتتى. حالىق كوپ بولعانمەن، بۇل سايلاۋدا، الدىڭعى سايلاۋىمەن سالىستىرعاندا، سايلاۋشىلاردىڭ بەلسەندىلىگى تومەن. ۋچاسكەلەر تاڭعى ساعات 6-دا اشىلدى. 9-00-گە كەلىپ تۇسكەن مالىمەتتەرگە سايكەس، سايلاۋشىلاردىڭ 8 پايىزدان استامى داۋىس بەردى دەپ حابارلايدى اlmaty-akshamy.kz
داۋىس بەرۋ قيىن ەپيداحۋالىندا ءوتىپ جاتىر. بۇگىن ىندەت جۇقتىرعاندار سانى رەكوردتىق دەڭگەيگە جەتتى. COVID 300 مىڭنان استام ادامنان انىقتالدى. مىسالى، وسى سايلاۋ ورنى دەنساۋلىق ساقتاۋ باسقارماسىندا ورنالاسقان. مۇندا ادامدار داۋىس بەرىپ، تەست تاپسىرا الادى. مەرزىمىنەن بۇرىن داۋىس بەرۋ 4 جانە 5 ناۋرىزدا وتكەنىن اتاپ وتكىمىز كەلەدى.
16 ميلليوننان استام ادام نەمەسە سايلاۋشىلاردىڭ 37 پايىزعا جۋىعى ءوز قۇقىعىن پايدالاندى. ولاردىڭ ىشىندە ىندەت جۇقتىرعاندار دا بار. ناۋقاستار ءۇشىن ارنايى ۋچاسكە اشىلدى.
پرەزيدەنتىككە نەگىزگى ۇمىتكەر ءتورت ادام. ءبىراق ەكى ۇمىتكەر الدا كەلەدى: ولار - بۇرىنعى باس پروكۋرور يۋن سوك ءول جانە كونگي پروۆينسياسىنىڭ بۇرىنعى گۋبەرناتورى لي چجە ءمون.
ساۋالنامالار ولاردىڭ رەيتينگى شامامەن 40% بولعانىن كورسەتتى. ءبىراق ءۇشىنشى ورىن العان بيزنەسمەن ان چول سۋ يۋن سوك ءولدىڭ پايداسىنا ءوز كانديداتۋراسىن الىپ تاستاعاننان كەيىن بۇرىنعى پروكۋروردىڭ جەڭىسكە جەتەتىنىنە كوپشىلىك ەش كۇماندانبايدى.
- دەگەنمەن كەز كەلگەن ۇمىتكەر جەڭىسكە جەتسە، وڭتۇستىك كورەيا بيلىگىنىڭ ساياساتى كوپ وزگەرمەيدى، - دەيدى ساياساتتانۋشىلار