بۇرىنعى الەم چەمپيونى گولوۆكين – «كانەلو» جەكپە-جەگىندە كىم جەڭەتىنىن ايتتى

مەن گولوۆكيننىڭ جەڭىسكە جەتكەنىن قالايمىن

ەكى سالماقتا الەمنىڭ بۇرىنعى چەمپيونى كارل فرەمپتون قازاقستاندىق گەنناديي گولوۆكين مەن مەكسيكالىق ساۋل «كانەلو» الۆارەس اراسىنداعى ءۇشىنشى كەزدەسۋدە كىم جەڭىسكە جەتەتىنىن ايتتى دەپ حابارلايدى Almaty-akshamy.kz  vesti.kz–كە سىلتەمە جاساپ.

«الۆارەستە بۇل جولى ۇلكەن باسىمدىق بار. ول سوڭعى كەزدەسۋىندە جەڭىلگەنىنە قاراماستان گولوۆكيننەن مىقتى. سەبەبى قازاقستاندىق بوكسشىنىڭ جاسى 40-تان استى. ول بۇرىنعىداي مىقتى ەمەس. گولوۆكين مۋراتانى وڭاي جەڭدى. ءبىراق بۇل كەزدەسۋدە ول كەرەمەت كۇشتى بولمادى. ول ءبىراز قيىندىقتارعا تاپ بولادى. ادام بالاسى جەڭە المايتىن نارسە – ۋاقىت.

مەنىڭ ويىمشا، بۇل كەزدەسۋدى تىم كەش ۇيىمداستىردى. بۇل ايقاستى بىرنەشە جىل بۇرىن وتكىزۋ كەرەك ەدى. سول كەزدە گولوۆكيننىڭ مۇمكىندىگى كوبىرەك بولاتىن. مۋراتاعا قارسى كەزدەسۋدە ونىڭ ءالسىز تۇستارى كورىندى. دەگەنمەن قارا كۇشىنىڭ ارقاسىندا جەڭىسكە جەتتى. گولوۆكين – ءوز داۋىرىندەگى ەڭ ۇزدىك پانچەرلەردىڭ ءبىرى. جويقىن سوققى كوپ بوكسشىعا باسىمدىق بەرەدى. الايدا بۇل جەكپە-جەكتە ەمەس.

الداعى كەزدەسۋدە سەكۋندتار ماڭىزدى ءرول وينايدى. ال گولوۆكيندە جىلدامدىق بۇرىنعىداي ەمەس. مەن گولوۆكيننىڭ جەڭىسكە جەتكەنىن قالايمىن. دەسە دە بۇل كەزدەسۋدە «كانەلونىڭ» مەرەيى ۇستەم بولادى»، – دەدى فرەمپتون.

بۇل جەكپە-جەكتە ەكىنشى ورتا سالماقتا الەمنىڭ ابسوليۋت چەمپيونى اتاعى ساراپقا سالىنادى.