بۇرشاق جاۋادى

"قازگيدرومەت" رمك قازاقستان ايماقتارىندا 31 تامىزدا بولاتىن ءقاۋىپتى مەتەورولوگيالىق قۇبىلىستارعا بولجاۋ كونسۋلتاسياسىن جاريالادى.

قازاقستاننىڭ باسىم بولىگىندە اتموسفەرالىق فرونتالدى بولىمدەردىڭ وتۋىنە بايلانىستى اۋا-رايىنىڭ تۇراقسىز سيپاتى ساقتالادى، جاڭبىر جاۋادى، سولتۇستىك-باتىستا، سولتۇستىكتە، وڭتۇستىكتە، وڭتۇستىك-شىعىستا نايزاعايمەن، ەكپىندى جەلمەن قاتتى جاڭبىر كۇتىلەدى، بۇرشاق جاۋۋى مۇمكىن. ەلدىڭ وڭتۇستىك-باتىسىندا، وڭتۇستىگىندە - شاڭدى داۋىل. قازاقستاننىڭ سولتۇستىك-باتىسىندا، سولتۇستىگىندە، وڭتۇستىك-شىعىسىندا تۇمان كۇتىلەدى.

جامبىل وبلىسىندا، قىزىلوردا وبلىسىنىڭ شىعىسىندا، ورتالىعىندا، اتىراۋ وبلىسىنىڭ سولتۇستىك-باتىسىندا، وڭتۇستىگىندە، الماتى وبلىسىنىڭ سولتۇستىك جارتىسىندا، اقتوبە وبلىسىنىڭ باتىسىندا توتەنشە ءورت ءقاۋپى كۇتىلۋدە.

باتىس قازاقستان وبلىسىنىڭ سولتۇستىگىندە، ورتالىعىندا جوعارى ءورت ءقاۋپى، وبلىستىڭ وڭتۇستىك-باتىسىندا، سولتۇستىك-باتىسىندا، شىعىسىندا توتەنشە ءورت ءقاۋپى ساقتالادى.

پاۆلودار، قاراعاندى، ۇلىتاۋ وبلىستارىنىڭ وڭتۇستىگىندە، اباي وبلىسىنىڭ باتىسىندا، سولتۇستىگىندە، جەتىسۋ وبلىسىنىڭ سولتۇستىك-شىعىسىندا، ورتالىعىندا جوعارى ءورت ءقاۋپى ساقتالادى.