دەنساۋلىق ساقتاۋ مينيسترلىگىنىڭ كۋرورتولوگيا جانە مەديسينالىق وڭالتۋ عزي «بۋراباي» ەمدەۋ-ساۋىقتىرۋ كەشەنى «ساپا جۇلدىزى» ۇلتتىق رەيتينگىنىڭ (ساپا بەلگىسى) نۇسقاسى بويىنشا قازاقستاننىڭ ۇزدىك 20 كاسىپورنىنىڭ قاتارىنا ەندى.
سونىمەن قاتار، ينستيتۋتتىڭ فيليالى - Very Nice دەڭگەيىندەگى بەدەلدى «ساپا بەلگىسىنە» يە بولدى، دەپ حابارلايدى aqshamnews.kz دەنساۋلىق ساقتاۋ مينيسترلىگىنە سىلتەمە جاساپ.
جىل سايىن Kazakh Tourism كومپانياسى بۇل بەلگىنى تۋريزم يندۋسترياسىنىڭ جوعارى ستاندارتتارىنا سايكەس كەلەتىن ۇيىمدارعا تاپسىرادى. بيىلعى جىلى لاۋرەاتتاردىڭ قاتارىنا ەلدىڭ تۋريستىك بيزنەسىنىڭ 89 جەتەكشى وكىلى كىردى، ولاردىڭ اراسىندا «بۋراباي» ءساناتورييى كەشەنى لايىقتى ورىن الدى.
فيليال برونح-وكپە جۇيەسىنىڭ اۋرۋلارىن، سونداي-اق ولارمەن بايلانىستى جۇرەك-قان تامىرلارى، تىرەك-قيمىل اپپاراتى جانە نيەۆرولوگيالىق بۇزىلۋلاردى ەمدەۋگە ماماندانعان. كەشەننىڭ قىزمەتى ساپالى مەديسينالىق كومەك كورسەتۋگە عانا ەمەس، سونىمەن قاتار تۇراقتى جانە ەلەۋلى ناتيجەلەرگە قول جەتكىزۋگە مۇمكىندىك بەرەتىن وڭالتۋ تاسىلدەرىن جۇيەلەۋگە باعىتتالعان.
«بۋراباي» ەسك ماماندارى ازىرلەگەن باعدارلامالار جوعارى تيىمدىلىكتى، يننوۆاسيالىلىقتى جانە پراكتيكالىق قۇندىلىقتى كورسەتەدى. پاسيەنتتەر دەنساۋلىعىن جاقسارتىپ قانا قويماي، مەديسينالىق پەرسونالدىڭ كەشەندى ءتاسىلى مەن بىلىكتىلىگىنىڭ ارقاسىندا ءومىر ءسۇرۋ ساپاسىن جاقسارتۋعا مۇمكىندىك الادى.
ق ر دسم كۋرورتولوگيا جانە مەديسينالىق وڭالتۋ عزي حالىقتىڭ دەنساۋلىعىن قالپىنا كەلتىرۋ جانە قازاقستاننىڭ مەديسينالىق جانە ساۋىقتىرۋ قىزمەتتەرى سالاسىنداعى بەدەلىن نىعايتۋ بويىنشا ءوز قىزمەتىن جالعاستىرۋدا.