بۇقتىرما ينفراقۇرىلىمى قولعا الىنادى

بۇقتىرمادا الكولدەگىدەي تۋريستەرگە جاعداي جاسالماق

شىعىس قازاقستان وبلىسىنداعى بۇقتىرما سۋ قويماسىنىڭ جاعالاۋى الاكول ۇلگىسىمەن دامىتىلادى، دەپ حابارلايدى Almaty-akshamy.kz Inform.kz-كە سىلتەمە جاساپ.

شقو اكىمدىگىنىڭ مالىمەتىنە سۇيەنسەك، جاز كەزىندە بۇقتىرما سۋ قويماسىنىڭ جاعالاۋىنا جەرگىلىكتى تۇرعىنداردان بولەك، رەسپۋبليكانىڭ تۇكپىر-تۇكپىرىنەن جۇرت اعىلادى. الداعى ۋاقىتتا بۇل دەمالىس ورنىن ءبىرقاتار وزگەرىس كۇتىپ تۇر.

«بۇقتىرماعا باراتىن تۋريستەرگە جايلى جاعداي جاسالۋى ءتيىس. الاكولدەگى سياقتى مۇندا دەمالىس ورنىنىڭ ينفراقۇرىلىمىن دامىتۋ قاجەت. ءتيىستى جۇمىستار بيىل باستالادى»، - دەدى ايماق باسشىسى دانيال احمەتوۆ.

ونىڭ ايتۋىنشا، دەمالىس بازالارىنداعى ءتۇرلى نىساندارعا قويىلاتىن تالاپتار قاتاڭداتىلادى. جايسىز، ەسكى عيماراتتاردىڭ ورنىنا جاڭالارىن سالعان ابزال.

«ماسەلەن، ءقازىر الاكولدە تۋريستەرگە قولايلى جاڭا قوناق ءۇي كەشەنى بوي كوتەردى. بۇقتىرماعا دا وسىنداي وزگەرىس كەرەك. حالىققا مۇندا جەتۋ ىڭعايلى بولۋ ءۇشىن وسينوۆ اسۋىن اينالىپ وتەتىن جول قۇرىلىسىن اياقتاۋ قاجەت»، - دەدى وبلىس اكىمى.