بالالاردىڭ ەموسيالىق جاي-كۇيىمەن جۇمىس ىستەۋ وتە ماڭىزدى
بۋللينگتىڭ ۇشىعىپ جاتقان ۇردىسىنە قاراماستان، ءالى دە شەشىمىن تابۋعا بولا، بۇل جونىندە وڭىرلىك كوممۋنيكاسيالار الاڭىندا پسيحولوگيا ماگيسترى، قازاقستان پسيحولوگتارى قاۋىمداستىعىنىڭ مۇشەسى، بالالار پسيحولوگى، مەكتەپتەردەگى داعدارىستىق جاعدايلاردى شەشۋ جونىندەگى مامان اناستاسيا ستەبليانكو باياندادى، دەپ حابارلايدى Almaty-akshamy.kz.
ونىڭ ايتۋىنشا، بۋللينگتىڭ شەشىمى بار، بۇل رەتتە بالالاردىڭ ەموسيالىق جاي-كۇيىمەن جۇمىس ىستەۋ وتە ماڭىزدى.
«قازىرگى جاسوسپىرىمدەر بىر-بىرىمەن قارىم-قاتىناس قۇرۋدا ءتۇرلى قيىندىقتارعا تاپ بولادى. قيىن كەزەڭدەردە قالاي ارەكەت ەتۋ كەرەكتىگىن بىلمەيتىندىكتەن، وسى ورايدا ەرەسەكتەر بالالارعا كومەكتەسۋى كەرەك. جەكە ورتالىقتا جاسوسپىرىمدەر اراسىندا ءوزىن-وزى باعالاۋ، ەموسيونالدى ينتەللەكتتى تانۋعا باعىتتالعان ارنايى توپتار ۇيىمداستىردىم. بۇل جاسوسپىرىمدەرگە ءوزىن تانىپ، وزگەنى تۇسىنۋگە جانە قابىلداۋعا كومەكتەسەدى»، - دەپ قوستى سپيكەر.
پسيحولوگتىڭ ايتۋىنشا، جاسوسپىرىمدەر قاراپايىم قۇرالدار مەن ومىردەگى ءتۇرلى جاعدايلاردىڭ مىسالدارى جانە ولاردى سەزىنۋ ارقىلى قيىن جاعدايلاردان قالاي شىعۋعا بولاتىندىعىن تۇسىنەدى.