الماتىدا قازاقستاننىڭ ازاماتتىق اليانسىنىڭ ءتوراعاسى داۋىس بەردى.
بۇگىن قازاقستاندا ءماجىلىس پەن ءماسليحات دەپۋتاتتارىنىڭ كەزەكتەن تىس سايلاۋى وتۋدە. الماتى ازاماتتىق اليانسىنىڭ ءتوراعاسى، قوعامدىق كەڭەستىڭ مۇشەسى قايىرجان ءابدىحالىقوۆ وتباسىمەن بىرگە مەدەۋ اۋدانىنىڭ سايلاۋ ۋچاسكەسىندە ءوز تاڭداۋىن جاسادى.
«بۇل سايلاۋدا ءاربىر ازاماتتىڭ داۋىسى ماڭىزدى. ءبىز جاڭا ادىلەتتى قازاقستانعا جول تارتتىق. ازاماتتارىمىزدىڭ بىرلىگى ماڭىزدى. بۇگىن داۋىس بەرۋ ارقىلى ءبىز بالالارىمىز بەن نەمەرەلەرىمىزدىڭ باقىتتى بولاشاعىن تاڭدايمىز. سوندىقتان ءار سايلاۋشى ءوزىنىڭ داۋىس بەرۋ ۋچاسكەسىنە بارىپ، تاڭداۋىن جاساۋعا ءتيىس»،- دەدى قايىرجان ءابدىحالىقوۆ.
ول ءادىل جانە دەموكراتيالىق زاڭدار قازاقستاندىقتاردىڭ ءال-اۋقاتىن نىعايتۋعا باعىتتالادى دەپ ەسەپتەيدى، سونداي-اق ول جۇرتشىلىقتى ەل الدىنداعى جاۋاپكەرشىلىكتى سەزىنۋگە شاقىردى.