نەلىكتەن رەسپۋبليكا كۇنى ەلدىڭ باستى ۇلتتىق مەرەكەسى بولدى؟
بۇل سۇراققا مەملەكەتتىك كەڭەسشى ءوزىنىڭ تەلەگرام ارناسىندا جاۋاپ بەردى، دەپ حابارلايدى Almaty-akshamy.kz
ەرلان قارين ءوز جازباسىندا بۇل كۇندى ەلىمىزدىڭ شىنايى تاۋەلسىزدىككە قول جەتكىزۋدەگى باتىل قادامىنىڭ باستى سيمۆولى دەدى. 1990 جىلى جوعارعى كەڭەستىڭ وتىرىسىندا قىزۋ پىكىرتالاستان كەيىن قازاقستاننىڭ مەملەكەتتىك ەگەمەندىگى تۋرالى دەكلاراسيا قابىلدانعان ەدى. جالپى جوبانى ازىرلەۋگە 5 اي ۋاقىت كەتتى. وعان دەپۋتات، عالىم، قوعام قايراتكەرلەرى اتسالىستى.
وسىلايشا، 1990 جىلى 25 قازاندا ەل ەگەمەندىگىن الۋعا العاشقى قادام جاسالدى. سونداي-اق مەملەكەتتىك كەڭەسشى 1995-2001 جىلدارى ول ۇلتتىق مەرەكە بولعانىن ەسكە الىپ، بىلتىر پرەزيدەنت بۇل مەرەكەنى قايتا قالپىنا كەلتىرگەنىن اتاپ ءوتتى.