بۇل - ەركىن، اركىم ءوز پىكىرىن ايتۋعا مۇمكىندىك بەرەتىن سايلاۋ – بايقاۋشى

پارلامەنتكە ەڭ لايىقتى ادامداردىڭ سايلانعانى ماڭىزدى

بۇل جايىنداعى پىكىردى رەسەي جانە بەلارۋس وداعى پارلامەنتتىك اسسامبلەيا ميسسياسىنىڭ باقىلاۋشىسى سۆەتلانا ليۋبەسكايا ايتتى، دەپ حابارلايدى Almaty-akshamy.kz BAQ.KZ-كە سىلتەمە جاساپ.

«ءبىزدىڭ ميسسيا قازاقستانداعى سايلاۋ ناۋقانىنا ءبىرىنشى رەت قاتىسىپ وتىرعان جوق. بۇگىنگى تاڭدا ميسسيامىز - جەرگىلىكتى وكىلدى ورگاندار مەن ءماجىلىس سايلاۋىن باقىلاۋعا دايىندىق ۇستىندە. ميسسيا وكىلدەرى استانا مەن جەرگىلىكتى وڭىرلەردەگى سايلاۋدى باقىلاۋدى جوسپارلاپ وتىر»، - دەدى سۆەتلانا ليۋبەسكايا.

بايقاۋشى وسك تاراپىنان ۇيىمداستىرىلعان ءىس-شارالار تىنىش ءارى ءتارتىپتى جاعدايدا وتەتىنىن ءارى حالىقارالىق تالاپتارعا ساي كەلەتىنىنە ۇمىتتە اتاپ ءوتتى. 

«بۇل - ەركىن، اركىم ءوز پىكىرىن ايتۋعا مۇمكىندىك بەرەتىن سايلاۋ. وسك وتكىزىپ جاتقان ءىس-شارالار قازاقستاندىقتارعا وزدەرىنىڭ سايلاۋ قۇقىقتارىن تولىقتاي جۇزەگە اسىرۋعا مۇمكىندىك بەرەدى دەپ ويلايمىز»، – دەدى رەسەي جانە بەلارۋس وداعى پارلامەنتتىك اسسامبلەيا ميسسياسىنىڭ باقىلاۋشىسى.

قازاقستان رەسپۋبليكاسى پارلامەنتىمەن بايلانىس جونىندەگى دەپۋتاتتىق توپتىڭ ۇيلەستىرۋشىسى ۆيكتور سەليۆەرستوۆتىڭ ايتۋىنشا، سايلاۋدىڭ جوعارى دەڭگەيدە ءوتۋى ماڭىزدى.

«سايلاۋدىڭ جوعارى دەڭگەيدە ءوتۋى ماڭىزدى. ءبىز رەسپۋبليكادا جاڭا سايلاۋ فورماسى، جەتى پارتيا، ارالاس سايلاۋ جۇيەسى، كانديداتتاردىڭ كوپتىگىن بايقاپ وتىرمىز. بۇگىن ءبىر مانداتقا شامامەن 15-16 ادام قۇجات تاپسىرىپ جاتقانىن ەستىدىك. بۇل ەڭ جوعارى باسەكەلەستىك. ارينە، پارلامەنتكە ەڭ لايىقتى ادامداردىڭ سايلانعانى ماڭىزدى»، - دەدى ۆيكتور سەليۆەرستوۆ.

ەسكە سالايىق، 18 ناۋىز ساعات 00:00 باستاپ سايلاۋعا دەيىنگى ءبىر كۇن تىنىشتىق باستالدى.