پرەزيدەنت جانىنداعى قازاقستاننىڭ ستراتەگيالىق زەرتتەۋلەر ينستيتۋتىنىڭ ەلەكتورالدى ۇدەرىستەردى زەرتتەۋ ءبولىمىنىڭ باس ساراپشىسى ءامينا ۇرپەكوۆا ەلىمىزدەگى سايلاۋالدى ناۋقانعا باعا بەردى.
1 ناۋرىزدا جەتى ساياسي پارتيا وكىلدەرى اراسىندا سايلاۋالدى تەليەۆيزيالىق پىكىرسايىس ءوتتى، دەپ حابارلايدى Almaty-akshamy.kz Elorda.ifo سايتىنا سىلتەمە جاساپ.
«دەبات بارىسىندا ءبىراز ەموسيا مەن قارسىلاستار اراسىنداعى باسەكەلەستىك بايقالدى. پىكىرسايىسقا قاتىسۋشىلار كورەرمەننىڭ نازارىن بارىنشا اۋدارۋعا تىرىستى. بۇل ءبىر جاعىنان پارتيالارعا سايلاۋدا داۋىس جيناۋىنا جول اشسا، ەكىنشى جاعىنان، كانديداتتاردىڭ نەگىزگى يدەيالارى مەن ۇستانىمدارىمەن تانىسۋ مۇمكىندىگى تۋدى. وتكەن پىكىرتالاس پارتيالاردىڭ نەگىزگى باعىتى مەن الەۋمەتتىك بازاسىن تاعى ءبىر رەت كورسەتتى. سونىمەن قاتار داۋىس جيناۋ ءۇشىن كۇرەستە ولاردىڭ نەگىزگى قارسىلاستارىن انىقتادى. ماسەلەن، بيزنەس قوعامداستىق پەن اۋىل سايلاۋشىلارىنىڭ داۋىسى ءۇشىن باسەكەلەستىكتى اتاپ وتۋگە بولادى»، - دەدى ءامينا ۇرپەكوۆا.
ونىڭ مالىمدەۋىنشە، دەبات بارىسىندا پارتيا وكىلدەرى الەۋمەتتىك، ەكونوميكالىق كورسەتكىشتەرگە باسا نازار اۋدارا وتىرىپ، ساندار جانە دەرەكتەرمەن جۇمىس ىستەگەن.
ساراپشىنىڭ ايتۋىنشا، بۇل بەلگىلى ءبىر دەڭگەيدە سايلاۋالدى دايىندىقتى كورسەتەدى جانە 16 ناۋرىزدا بۇدان دا قىزىق پىكىرسايىس كۇتىپ تۇر.
«ءبىر مانداتتى وكرۋگتەر بويىنشا ارالاس سايلاۋ جۇيەسىنە كوشۋ قازاقستاندىقتاردىڭ ازاماتتىق، ساياسي بەلسەندىلىگىن كورسەتۋگە ايتارلىقتاي سەرپىن بەردى. وسىلايشا، 10 مىڭنان استام ازامات ءماجىلىس پەن ءماسليحاتتار دەپۋتاتى بولىپ سايلانۋعا ءوز قۇقىعىن پايدالانىپ وتىر. ساياسي سىنعا تۇسۋشىلەردىڭ سايلاۋ ناۋقانىندا باسەكەگە قابىلەتتىلىگى كوپتەگەن فاكتورعا بايلانىستى. اتاپ ايتقاندا، كانديداتتىڭ جانە ونىڭ شتابىنىڭ موتيۆاسياسى مەن كوزقاراسى، ماتەريالدىق جانە ادامي رەسۋرستارى، ناۋقانعا دايىندىق دەڭگەيى، كرەاتيۆى، شىنايىلىعى، تاعى سول سياقتى. مەملەكەت تاراپىنان باق-قا تەڭ قولجەتىمدىلىككە كەپىلدىك بەرىلەدى. ادىلدىكتى بارىنشا قامتاماسىز ەتۋ ءۇشىن ۇگىت-ناسيحات ماسەلەلەرى رەتتەلەدى. ودان بولەك، ءار كانديدات سايلاۋالدى ناۋقان جۇمىسى ءۇشىن مەملەكەتتەن تەڭ سوما الادى»، - دەيدى ول.
سونداي-اق قسزي وكىلى زاڭنامالىق تۇرعىدان بارلىق كانديداتتىڭ مۇمكىندىگى تەڭ، ال ناۋقاننىڭ ناتيجەسى ۇمىتكەرلەردىڭ وزىنە بايلانىستى ەكەنىن ايتتى.