تۋريزم جانە سپورت ۆيسە-مينيسترى ميراس تولەبايەۆ قازاقستاندا بۋكمەكەرلىك كەڭسەلەردىڭ جارناماسىن قالاي باقىلايتىنىن ءتۇسىندىردى.
“جارناما تۋرالى" زاڭ اياسىندا ەلىمىزدە بۋكمەكەرلىك كەڭسەلەر مەن ويىن جارنامالارىنا تولىق تيىم سالۋ قاراستىرىلىپ جاتىر ، دەپ حابارلايدى Almaty-akshamy.kz
“جارنامالارعا قارسى كۇرەس ەكى جۇيەمەن: اۆتوماتتاندىرىلعان جانە فيزيكالىق تۇردە دە ىسكە اسىرىلىپ جاتىر. زاڭ اياسىندا بارلىق بۋكمەكەرلىك كەڭسە، كازينو جارناماسىنا تولىق تىيىم سالۋ قاراستىرىلعان. سپورت مينيسترلىگى، اقپارات جانە سيفرلاندىرۋ مينيسترلىگى قۇقىققا قايشى كونتەنتتى قامتيتىن كەز كەلگەن ينتەرنەت-رەسۋرس، جەلىلەر مەن تەلەكوممۋنيكاسيالارعا تۇراقتى مونيتورينگ جۇرگىزەدى. سايتتاردان اتىپ شىعاتىن قالقىمالى جارنامالاردىڭ دا قۇقىق نورمالارى، ليسەنزياسى تەكسەرىلەدى. اۆتوماتتاندىرىلعان رەجيمدە بۇل "كيبەرنادزور" اقپاراتتىق جۇيەسىنىڭ جەلىسى بويىنشا جۇرگىزىلەدى. ءقازىر بۇل "كيبەرنادزور" جۇيەسى ەلەۋلى تەحنيكالىق جانە باعدارلامالىق جاڭارتۋدان ءوتىپ جاتىر. 1-2 كۇن ىشىندە قايتا پايدالانۋعا ەنگىزگەننەن كەيىن جارنامانىڭ كەز كەلگەن ءتۇرى بۇعاتتالادى”، – دەدى ول.