بۋكينگەم سارايى جوندەۋ جۇمىستارىنا بايلانىستى الداعى ءۇش جىلدا مەملەكەتتىك ساپارلاردى قابىلدامايدى.
2027 جىلعا دەيىن بارلىق مەملەكەتتىك ساپارلار ۆيندزور قامالىندا وتەدى. بۋكينگەم سارايىنىڭ جابىلار الدىنداعى سوڭعى قوناعى جەلتوقسان ايىندا باراتىن كاتار ءامىرى بولماق، دەپ حابارلايدى aqshamnews.kz.
سارايدىڭ قالپىنا كەلتىرۋ جۇمىستارى ءجۇرىپ جاتىر جانە ون جىلعا سوزىلادى. جوندەۋگە 369 ميلليون فۋنت ستەرلينگ (230 ميلليارد 427 ميلليونعا جۋىق تەڭگە) جۇمسالماق.
جوندەۋ كەزىندە ەڭ ءساندى زالداردىڭ كەيبىرى جابىلادى. باسىلىم مالىمەتىنشە، جوندەۋ جۇمىستارىنا بايلانىستى بريتان كورولى چارلز III جەكە كابينەتى مەن تاماقتانۋ ورنىن اۋىستارعان.
لوندونداعى بۋكينگەم سارايى بريتاندىق ءتاجدىڭ نەگىزگى رەسمي رەزيدەنسياسى سانالادى. عيماراتتا 775 بولمە بولسا، ونىڭ 19-ى مەملەكەتتىك قابىلداۋلار مەن ءىس-شارالارعا ارنالعان.
سونىمەن قاتار بۋكينگەم سارايىندا 92 وقۋ بولمەسى مەن 78 اجەتحاناسى، مونارحقا، كورولدىك وتباسى مەن قوناقتارعا ارنالعان 52 جاتىن بولمە جانە قىزمەتكەرلەردىڭ 188 جاتىن بولمەسى بار.
ۆيندزور سارايى اعىلشىن وكرۋگى بەركشيردە ورنالاسقان. گوتيكالىق ستيلدەگى تاس عيماراتتى 11 عاسىردا ساۋلەتشى حيۋ مەي سالعان.
ساراي بىرنەشە رەت قايتا سالىندى. سوڭعى رەت 1992 جىلى ورتتەن كەيىن قالپىنا كەلتىرىلىپ، زاماناۋي كەلبەتكە يە بولدى.