بۇگىنگى سايلاۋدان ەشكىم قالىس قالماۋى كەرەك - اقىن ءادىلعازى قايىربەكوۆ

الماتىدا اقىن، حالىقارالىق «الاش» ادەبي سىيلىعىنىڭ لاۋرەاتى ءادىلعازى قايىربەكوۆ داۋىس بەردى، دەپ حابارلايدى Almaty-akshamy.kz Egemen.kz-كە سىلتەمە جاساپ. 

اقىننىڭ ايتۋىنشا، ەلدىڭ بولاشاعى ءۇشىن داۋىس بەرۋ - ۇلكەن جاۋاپكەرشىلىك.

«بۇگىنگى ناۋقان – حالىقتىڭ كوپتەن كۇتكەن سايلاۋى. ويتكەنى بۇل سايلاۋدا كوپتەگەن جاڭالىقتار، وزگەشەلىكتەر بار. ءوزىڭ تاڭدايتىن پارتياعا داۋىس بەرە الاتىن مۇمكىندىك بەرىلگەن، مۇنىڭ ءبارى حالىقتا سەنىم وياتتى دەپ ويلايمىن. كوپپارتيالىلىقتىڭ ىشىنەن تاڭداۋ دا وڭاي ەمەس. باعدارلامالارىنىڭ ءبارىن قارادىق، ۇقساستىقتارى كوپ. دەگەنمەن حالىق كوڭىلى قالاعان پارتياعا داۋىس بەرەدى. ەندى سايلاۋ مادەنيتى دەگەن بار، سول حالىققا دۇرىس ناسيحاتتالۋى كەرەك. سوندا بۇگىنىمىز ءۇشىن، بولاشاعىمىز ءۇشىن، ۇرپاقتىڭ بولاشاعى ءۇشىن سايلاۋعا كەلىپ داۋىس بەرۋ – بۇل ۇلكەن جاۋاپكەرشىلىك. «مەنىڭ داۋىسىم ءقايبىر نارسەنى شەشەدى» دەپ قالىس قالۋشىلىق دۇرىس ەمەس. ءبىزدىڭ حالىق ءوز بولاشاعىن، ءوز تاڭداۋىن بوس جىبەرىپ الماۋى كەرەك»، - دەدى ول.

ايتا كەتەيىك، بۇگىن پارلامەنت ءماجىلىسىنىڭ جانە جەرگىلىكتى ءماسليحاتتار دەپۋتاتتارىنىڭ كەزەكتەن تىس سايلاۋى ءوتىپ جاتىر. سايلاۋ ۋچاسكەلەرى تاڭعى 07:00-دە اشىلدى. داۋىس بەرۋ كەشكى 20:00-گە دەيىن جالعاسادى.