بۇگىنگى كۇننىڭ اۋا رايى

سينوپتيكتەر 4 شىلدەدە ەل اۋماعىندا اۋا رايى قانداي بولاتىنىن بولجادى.

مەتەورولوگتاردىڭ مالىمەتىنشە، سەيسەنبىدە قازاقستاننىڭ باسىم بولىگىندە نايزاعاي ويناپ، جاڭبىر جاۋادى دەپ بولجاندى، دەپ حابارلايدى Almaty-akshamy.kz

سونداي-اق رەسپۋبليكا بويىنشا جەل كۇشەيىپ، ەلىمىزدىڭ وڭتۇستىك-باتىسى مەن وڭتۇستىك-شىعىسىندا شاڭدى داۋىل تۇرۋى ىقتيمال. كۇندىز سولتۇستىك-باتىستا، سولتۇستىكتە، ورتالىقتا بۇرشاق جاۋىپ، تۇندە جانە تاڭەرتەڭ سولتۇستىكتە تۇمان ءتۇسۋى ىقتيمال.

سونىمەن قاتار بۇگىن الماتى، اتىراۋ، باتىس قازاقستان، اقتوبە، سولتۇستىك قازاقستان، جەتىسۋ وبلىستارىنىڭ باسىم بولىگىندە، ماڭعىستاۋ وبلىسىنىڭ وڭتۇستىگىندە قاتتى ىستىق كۇتىلەدى. سينوپتيكتەر سەيسەنبىدە ەل مەگاپوليستەرىندە اۋا رايى قانداي بولاتىنىن دا بولجادى.

مامانداردىڭ بولجامىنشا، بۇگىن استانادا جاڭبىر جاۋۋى مۇمكىن. كۇندىز اۋا تەمپەراتۋراسى +28...+30 گرادۋسقا دەيىن كوتەرىلسە، تۇندە +16...+18 گرادۋسقا دەيىن تومەندەيدى. جەلدىڭ جىلدامدىعى – 9-14 م/س. الماتىدا نايزاعاي ويناۋى مۇمكىن. دەسە دە، قالادا كۇندىز +33...+35 گرادۋسقا دەيىن ىستىق بولماق. ال تۇندە اۋا تەمپەراتۋراسى +18…+20 گرادۋسقا دەيىن تومەندەيدى. جەلدىڭ جىلدامدىعى 3-8 م/س، ءبىراق كۇندىز ەكپىنى 13 م/س-قا دەيىن جەتۋى مۇمكىن.

شىمكەنتتە كۇن اشىق، جاۋىن-شاشىنسىز اۋا رايى ساقتالادى. مەگاپوليستە كۇندىز اۋا تەمپەراتۋراسى +32...+34 گرادۋسقا دەيىن كوتەرىلسە، تۇندە +20…+22 گرادۋسقا دەيىن تومەندەيدى. جەلدىڭ جىلدامدىعى 8-13 م/س.

بۇدان بولەك، سينوپتيكتەر بۇگىن تۇركىستان، قىزىلوردا، ماڭعىستاۋ، جامبىل وبلىستارىنىڭ باسىم بولىگىندە، اقتوبە، قاراعاندى، قوستاناي، الماتى، ۇلىتاۋ وبلىستارىنىڭ وڭتۇستىگىندە، جەتىسۋ وبلىسىنىڭ سولتۇستىك-باتىسىندا، اتىراۋ وبلىسىنىڭ باتىسىندا، پاۆلودار وبلىسىنىڭ سولتۇستىگى مەن باتىسىندا الماتى، سولتۇستىك قازاقستان، جەتىسۋ وبلىستارىنىڭ باسىم بولىگىندە، باتىس قازاقستان وبلىسىنىڭ وڭتۇستىك-باتىسىندا، اباي وبلىسىنىڭ سولتۇستىك-باتىسىندا، وڭتۇستىگىندە ءورت شىعۋ ءقاۋپى جوعارى ەكەنىن ەسكەرتىپ وتىر.