پرەزيدەنت جولداۋى باستالدى.
بۇگىن ءوتىپ جاتقان بىرلەسكەن وتىرىستا قازاقستان پرەزيدەنتى قاسىم-جومارت توقايەۆ حالىققا ارناعان جولداۋىن باستادى، دەپ حابارلايدى Almaty-akshamy.kz
بىرلەسكەن وتىرىستىڭ اشىلۋىن ءماجىلىس سپيكەرى ەرلان قوشانوۆ جاريالادى. پرەزيدەنت وركەسترى مەملەكەتتىك گيمندى ورىندادى.
پرەزيدەنت: «بۇگىنگى جولداۋدىڭ ءمان-ماڭىزى ايرىقشا. ونىڭ ارقالايتىن جۇگى ءبىر جىلمەن شەكتەلمەيدى، اۋقىمى كەڭ، مازمۇنى دا بولەك. ءبىز الدىمىزعا بيىك ماقساتتار قويىپ وتىرمىز. وزدەرىڭىزبەن بىرگە جاڭا قازاقستاندى قۇرۋعا كىرىستىك»
«وسى كۇندەردە جۇرتىمىز تاۋەلسىزدىكتىڭ قادىر-قاسيەتىن جان-جۇرەگىمەن سەزىندى. تاتۋلىق پەن تۇراقتىلىق، تىنىشتىق پەن بەيبىتشىلىك قانشالىقتى ماڭىزدى ەكەنىن جەتە ءتۇسىندى. ءبىز مىزعىماس بىرلىكتىڭ ارقاسىندا مەملەكەتىمىزدى قورعاپ قالدىق»
«مەن قاشاندا ءبارىن اشىق ايتىپ ءجۇرمىن. ىندەت كەزىندە قالىپتاسقان احۋال جونىندە جۇرتشىلىققا ۇنەمى اقپارات بەرىپ وتىردىم. كەشەگى قاتەرلى كۇندەردە مەملەكەت باسشىسى رەتىندە حالىققا ارناپ بىرنەشە ۇندەۋ جاسادىم»، - دەدى ق.توقايەۆ.