بۇگىنگى اۋا رايى بولجامى

ەلىمىزدىڭ باسىم بولىگىندە اۋا رايى تۇراقسىز بولادى.

قازگيدرومەت قازاقستان اۋماعىنداعى سينوپتيكالىق جاعداي مەن ءقاۋىپتى اۋا رايى قۇبىلىستارى تۋرالى بولجامىن جاريالادى، دەپ حابارلايدى Almaty-akshamy.kz

"اتموسفەرالىق فرونتالدى بولىكتەردىڭ ءوتۋى اسەرىنەن رەسپۋبليكانىڭ باسىم بولىگىندە تۇراقسىز اۋا رايى ساقتالادى. نايزاعاي ويناپ، بۇرشاق جاۋادى. تەك قازاقستاننىڭ وڭتۇستىگىندە، باتىسىندا، سولتۇستىك-شىعىسىندا، ورتالىعىندا اۋا رايى نەگىزىنەن جاۋىن-شاشىنسىز بولادى. رەسپۋبليكانىڭ سولتۇستىك-باتىسىندا، تۇندە باتىسىندا جەل كۇشەيەدى"، دەلىنگەن "قازگيدرومەت" رمك حابارلاماسىندا.

كۇندىز جامبىل، ماڭعىستاۋ، اتىراۋ، قىزىلوردا، تۇركىستان، الماتى، جەتىسۋ وبلىستارىندا، قاراعاندى، اباي، اقتوبە، ۇلىتاۋ، قوستاناي وبلىستارىنىڭ وڭتۇستىگىندە 35-41°س قاتتى ىستىق بولادى.

تۇركىستان، جامبىل، شىعىس قازاقستان، قاراعاندى، ۇلىتاۋ، جەتىسۋ، اباي وبلىستارىنىڭ باسىم بولىگىندە، ورتالىقتا، قىزىلوردانىڭ شىعىسىندا، پاۆلوداردىڭ وڭتۇستىگىندە، اقتوبەنىڭ وڭتۇستىك-شىعىسىندا، سولتۇستىك-باتىستا، وڭتۇستىكتە، ماڭعىستاۋدىڭ ورتالىعىندا، اتىراۋ وبلىستارىنىڭ باتىسىندا توتەنشە ءورت ءقاۋپى ساقتالادى.

الماتى، سولتۇستىك قازاقستان، قوستانايدىڭ وڭتۇستىگىندە، اتىراۋ، اقمولا وبلىستارىنىڭ وڭتۇستىگىندە، سولتۇستىك، شىعىسىندا جوعارى ءورت ءقاۋپى ساقتالادى.