الماتىدا جاۋىن-شاشىن كەزىندە 1200 قىزمەتكەر مەن 300-دەن استام ارنايى تەحنيكا جۇمىلدىرىلادى
بولجام بويىنشا كەشكى ساعات 18.00 دەن باستاپ، 6 مامىر كۇنى تاڭعا دەيىن الماتى قالاسىندا تۇنگى ۋاقىتتا جاڭبىر جاۋادى دەپ كۇتىلۋدە.
جاۋىن-شاشىن كەزىندە سۋ تاسقىنىنىڭ الدىن الۋ جانە جويۋ، سۋدىڭ كەدەرگىسىز ءوتۋىن قامتاماسىز ەتۋ ءۇشىن موتوپومپالارمەن، باگرلەرمەن جانە باسقا دا شانس قۇرالدارىمەن جابدىقتالعان 52 جەدەل ءموبيلدى بريگادانىڭ كەزەكشىلىگى ۇيىمداستىرىلاتىن بولادى.
1،9 مىڭ قاپ قۇم دايىندالدى. جاۋىن-شاشىن كەزىندە بارلىعى 318 بىرلىك ارنايى تەحنيكا مەن 1200 جۇمىسشى جۇمىلدىرىلادى.
قازىرگى ۋاقىتتا 320 جۇمىسشى مەن 92 بىرلىك ارنايى تەحنيكانىڭ كۇشىمەن ارىق جەلىلەرىن، ارىق وتكەلدەرىن جانە كەزدەيسوق قوقىسقا ارنالعان جەرلەردى تازارتۋ بويىنشا جوسپارلى جۇمىستار جۇرگىزىلۋدە.
«قازگيدرومەت» رمك بولجامى بويىنشا 5 مامىردا كەشكە جانە تۇندە نوسەر جاڭبىر جاۋادى.
وڭتۇستىك-باتىس تان سوعاتىن جەلدىڭ ەكپىنى 3-8، نايزاعاي كەزىندە 15-20 م/س، ەكپىنى 25 م/س. كۇندىز اۋا تەمپەراتۋراسى +26...+28°C.
6 مامىر: ازداپ بۇلت بولىپ جاڭبىر جاۋادى، تۇندە مەزگىل- مەزگىل نوسەر جاڭبىر كۇتىلەدى. نايزاعاي، بۇرشاق بولۋى مۇمكىن.
سولتۇستىك-باتىستان سوعاتىن جەل ەكپىنى 3-8، نايزاعاي كەزىندە 15-20 م/س. اۋا تەمپەراتۋراسى تۇندە + 12...+14°C، كۇندىز + 18...+20°C.