«قازگيدرومەت» رمك 30 ناۋرىزدا قازاقستان قالالارىندا قالىپتاساتىن اۋا ساپاسىنا بولجامىن جاريالادى، دەپ حابارلايدى Almaty-akshamy.kz.
بەيسەنبى كۇنى قولايسىز مەتەورولوگيالىق جاعدايلار وسكەمەن، سەمەي، ريددەر جانە اتىراۋ قالالارىندا كۇتىلەدى. وزگە شاھارلاردا اتموسفەرالىق اۋا ساپاسى نورما شەگىندە بولادى.
قولايسىز مەتەورولوگيالىق جاعدايلار – اتموسفەرالىق اۋانىڭ بەتكى قاباتىندا زياندى (لاستاۋشى) زاتتاردىڭ شوعىرلانۋىنا ىقپال ەتەتىن قىسقامەرزىمدى مەتەوفاكتورلاردىڭ (تىمىق اۋا رايى، جەڭىل جەل، تۇمان، ينۆەرسيا) جيىنتىعى.
قولايسىز مەتەورولوگيالىق جاعداي كەزىندە ەلدى مەكەندەردەگى اتموسفەرالىق اۋانىڭ ساپاسى ناشارلاۋى ىقتيمال.