13 شىلدەدە اي ءوز وربيتاسىنىڭ جەرگە ەڭ جاقىن نۇكتەسىندە بولادى.
بۇگىن ادامدار تولعان ايدىڭ جەرگە بارىنشا جاقىن ورنالاسۋ ءساتىن باقىلاي الادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ماسكەۋ پلانەتارييى باسپا ءسوز قىزمەتىنىڭ حابارلاۋىنشا، عالامشار مەن سپۋتنيك اراسىنداعى قاشىقتىق 357 263 كم بولادى، ال 9،5 ساعاتتان كەيىن اي تولادى.
«13 شىلدەدە تولىق اي كوكجيەكتەن ساعات 21-دەن كەيىن پايدا بولادى جانە ءتۇن ورتاسى شاماسىندا وڭتۇستىك كوكجيەكتەن ەڭ جوعارى بيىكتىكە كوتەرىلەدى. ءتۇنى بويى كۇن شىققانعا دەيىن اي مەرگەن شوقجۇلدىزىندا جارقىرايدى»، - دەپ حابارلادى پلانەتاريي.
اسپان اشىق بولسا، تولعان ايمەن بىرگە ەكى پلانەتا – ساتۋرن مەن يۋپيتەردى دە كورە الاسىز.