شايبالى حوككەيدەن الەم چەمپيوناتىندا توپ-ديۆيزيوندا قازاقستان قۇراماسى بۇگىن، 22 مامىردا كەزەكتى ويىنىن گەرمانياعا قارسى وتكىزەدى، دەپ حابارلايدى Almaty-akshamy.kz Inform.kz-كە سىلتەمە جاساپ.
كەزدەسۋ ەلوردا ۋاقىتىمەن 19:20-دە باستالىپ، «Qazsport» تەلەراناسى ارقىلى تىكەلەي ەفيردە كورسەتىلەدى.
ايتا كەتسەك، الەم چەمپيوناتى 13-29 مامىر ارالىعىندا فينليانديانىڭ حەلسينكي جانە تامپەرە قالالارىندا وتەدى. قازاقستان قۇراماسى ا توبىندا سىنعا ءتۇسىپ جاتىر. قارسىلاستارى - كانادا، سلوۆاكيا، گەرمانيا، دانيا، شۆەيساريا، يتاليا جانە فرانسيا.
ەسكە سالساق، بۇدان بۇرىن قازاقستاندىق حوككەيشىلەر دانيا، فرانسيا، شۆەيساريا، كانادا جانە سلوۆاكيا قۇرامالارىنان جەڭىلدى. ازىرگە قازاقستاننىڭ قورجىنىندا ۇپاي جوق. تۋرنير كەستەسىندە كوش سوڭىندا تۇر. نەبارى 12 ۇپاي ەنشىلەگەن سلوۆاكيا تۋرنير كەستەسىندە ءۇشىنشى ورىندا كەلەدى.
ەكى قۇراما بۇعان دەيىن 6 مارتە كەزدەستى. ونىڭ 3ء-ۋى قازاقستاننىڭ جەڭىسىمەن اياقتالسا، قالعانىندا گەرمانيالىق قۇراما باسىم ءتۇستى. بىلتىر الەم چەمپيوناتىندا قازاقستاندىق حوككەيشىلەر اتالعان قارسىلاسىن 3:2 ەسەبىمەن تىزە بۇكتىرگەن ەدى.