حالىق ءارتىسى بيبىگۇل تولەگەنوۆا 95 جاسقا تولدى، دەپ حابارلايدى aqshamnews.kz 24.kz-كە سىلتەمە جاساپ.
عيبراتتى عۇمىر يەسى 70 جىلدان استام ساحنانىڭ ءسانىن كەلتىردى. ۇلت ماقتانىشى بيبىگۇل احمەت قىزىنىڭ رەپەرتۋارى وتە باي. ونىڭ تۇماداي تۇنىق ءۇنىن تالاي بۋىن تىڭداپ ءوستى. بيبىگۇل تولەگەنوۆا حالقىن اسەم انىمەن دە، سۇلۋ سانىمەن دە قاشاندا قۋانتۋمەن كەلە جاتقان تۇلعا. الەمدىك دەڭگەيدەگى وپەرا جۇلدىزى ءوزىنىڭ ونەردەگى اسا جوعارى جەتىستىكتەرى ءۇشىن عانا ەمەس، حالىق اراسىندا ۇلكەن سۇيىسپەنشىلىككە يە بولعاندىقتان دا حالىق ءارتىسى اتانعان جان. ءانشىنىڭ ءان قورجىنىندا حالىق شىعارمالارىمەن قاتار الەمدىك مۋزىكا جاۋھارلارى دا كوپتەپ كەزدەسەدى.
بيبىگۇل تولەگەنوۆا، قازاقستان جانە كسرو حالىق ءارتىسى:
- ەڭ ءبىرىنشى مەنى ەل داۋسىمدى راديودان ەستيتىن. كەيىن مەن كونسەرتكە شىعا باستاعاننان كەيىن ءبارى قىزىقتايدى عوي، قانداي ەكەن دەپ. مەن اۋىل ەڭبەككەرلەرىن، مالشىلار، ەگىنشىلەردى كوپ ارالادىم. ءتىپتى ارىپتەستەرىم ماعان «كولحوزنايا پيەۆيسا» دەپ ايتاتىن. مەن ايتتىم، زا تو كولحوز ءبىزدى اسىراپ جاتىر، كيىندىرىپ جاتىر، تاماق بەرىپ جاتىر. ءبىز ولارعا رۋحاني ازىق بەرۋگە مىندەتتىمىز دەپ. مەن ەرىنبەي اۋىلعا شىعىپ، اۋىلدا ءجۇردىم كوپ.
بيبىگۇل احمەتقىزىن الەمنىڭ ونەرسۇيەر قاۋىمى ءارقاشان قۇشاق جايا قارسى الادى. ونىڭ اندەرىنە نيۋ-يورك، لوندون، پاريج، ريم سىندى الەمنىڭ ءىرى قالالارىنىڭ ايتۋلى كونسەرت زالدارىنا جينالعان جۇرت تامسانا قول سوققان. وپەرا ءانشىسى ششۆەسياداعى العاشقى ساپارىندا «بۇلبۇل» انىمەن كورەرمەننىڭ ىستىق ىقىلاسىنا بولەنگەن. ونەر يەسىنە 15 جىلدان سوڭ سول ەلدە قايتا ءان شىرقاۋ بۇيىرعان.
بيبىگۇل تولەگەنوۆا، قازاقستان جانە كسرو حالىق ءارتىسى:
- ەكىنشى بارعاندا مەن «گاككۋدى» ايتتىم، ءبىرسىپىرا حالىق اندەرىن ايتتىم. زالدا ماعان «ناسگەن، ناسگەن» دەپ ايعايلادى. مەن ويلادىم، بۇلارعا نە كەرەك دەپ. سوسىن ءبىر شاعىن عانا جاستار كەلىپ: «ءبىز سىزدەن «بۇلبۇلدى» سۇرادىق، ءسىز وسىدان 15 جىل بۇرىن سونى ايتىپ ەدىڭىز، سونداي ادەمى ءان، ەستىگىمىز كەلەدى»، - دەدى. «ءبىز سىزگە ايقايلادىق، الىستان»، - دەيدى. مەن شۆەدتىڭ ءتىلىن بىلمەيمىن دەدىم. ءسويتىپ، 15 جىلدان كەيىن مەن بارعاننان كەيىن ولار بۇلبۇلدى قايتا سۇراپ جاتىر. ءبىزدىڭ ۇلتتىق مادەنيەتىمىزدى ناسيحاتتاعانىمىزدىڭ پايداسى سول.
قازاق ءان ونەرىنىڭ بۇلب ۇلى بيبىگۇل تولەگەنوۆانىڭ ورىنداۋىنداعى اڭىزعا اينالعان اندەر قازاق ونەرىنىڭ شەجىرەسى ىسپەتتەس. كۇمىس كومەي ءانشىنىڭ 95 جىلدىق مەرەيتويىنا وراي ۇيىمداستىرىلعان شىعارماشىلىق كەشكە ونەرسۇيەر قاۋىم مەن شاكىرتتەرى تۇگەلدەي قاتىستى.