ايدا بالايەۆا قازاقستاندىقتاردى وتباسى كۇنىمەن قۇتتىقتادى.
ق ر اقپارات جانە قوعامدىق دامۋ ءمينيسترى ايدا بالايەۆا وتانداستارىن وتباسى كۇنىمەن قۇتتىقتادى، دەپ حابارلايدى Almaty-akshamy.kz.
«بارشاڭىزدى بۇگىنگى كەرەمەت مەرەكە – وتباسى كۇنىمەن شىن جۇرەكتەن قۇتتىقتايمىن!
ەلباسىمىزدىڭ ۇسىنىسىمەن باستالعان بۇل مەيرام بۇگىندە قوعام بولىپ ۇيىسىپ اتاپ وتەتىن شىن مانىندەگى جالپىحالىقتىق مەرەكەگە اينالدى. وتباسى – مەملەكەتتىڭ تىرەگى، قوعامنىڭ وزەگى. وزىق قوعامنىڭ قالىپتاسۋى – ۇلگىلى وتباسىلار كوپ بولۋىنا تىكەلەي بايلانىستى»، - دەدى ا.بالايەۆ.«بيىل 30 جىلدىق بەلەسىن باعىندىرىپ وتىرعان تاۋەلسىزدىك جىلدارى ىشىندە ەلىمىزدە وتباسى ينستيتۋتى جاڭا ۇلگىدە جاڭارىپ، وزىندىك جولىن انىقتادى دەپ نىق سەنىممەن ايتا الامىز. ءار ۇلتتىڭ مادەنيەتى مەن ءسالت-داستۇرىن ساقتاپ، دامىتۋعا مۇمكىندىك بەرىپ وتىرعان ءبىزدىڭ كوپ ۇلتتى، كوپكونفەسسيالى قوعامداعى وتباسىلارعا ورتاق بىرەگەي قۇندىلىق بار. ول – بىرلىك پەن تاتۋلىق، توزىمدىلىك پەن تۇراقتىلىق. بۇنىڭ اسىرەسە ۇرپاق تاربيەسىندەگى ماڭىزى پەن ورنى وتە زور. سەبەبى قوعامدىق مادەنيەتتىڭ تامىرى – ۇلگىلى وتباسىلىق تاربيەدەن باستالادى، وزىق وتباسىلار قاتارى – ىشكى بىرلىگى مەن بەرەكەسى مىقتى قوعامدى قۇرادى»، - دەپ اتادى مينيستر.
«كۇنى كەشە رەسپۋبليكالىق «مەرەيلى وتباسى» ۇلتتىق كونكۋرسىنىڭ جەڭىمپازدارىن ماراپاتتادىق. جىل سايىن ۇيىمداستىرىلاتىن اتالعان بايقاۋ تۇتاس قوعامعا ۇلگى بولاتىن ونەگەلى وتباسىلار قاتارىنىڭ مول ەكەنىن، ەلدىڭ بولاشاعىنىڭ زور ەكەنىن كورسەتەدى. وسىنداي وتباسىلار – ەرتەڭگى ەل باسقاراتىن زيالى ازاماتتى دا تاربيەلەيدى، باسەكەگە قابىلەتتى قوعامدى دا قالىپتاستىرادى. سوندىقتان وتباسى مەرەكەسى بارشاڭىزعا قۇتتى بولسىن! دەندەرىڭىزگە ساۋلىق، باياندى باقىت پەن بەرەكەلى تاتۋلىق تىلەيمىن! وتباسىلارىڭىز امان بولسىن!»، - دەپ جازدى facebook پاراقشاسىندا.