بيىل مەملەكەت 11 مىڭنان استام ازاماتتىڭ باسپانالى بولۋىنا مۇمكىندىك جاساپ وتىر. سول ءۇشىن قازىنادان 300 ميلليارد تەڭگە بولىنگەن. باستى تالاپتىڭ ءبىرى — وتباسى مۇشەلەرىنىڭ اتىندا سوڭعى 5 جىلدا ءۇي بولماعان بولۋى شارت، دەپ حابارلايدى aqshamnews.kz
ءوتىنىمدى قايدا، قالاي بەرەمىز؟ ءوتىنىم «Baspana Market» سايتى ارقىلى قابىلدانادى. ول ءۇشىن الدىن الا تىركەلۋ كەرەك دەپ حابارلايى qazaqstan.tv. جۇيەگە كىرگەن سوڭ:
- «ناۋرىز جانە وتاۋ يپوتەكاسى» بويىنشا ءوتىنىم بەرۋ باتىرماسىن باسامىز؛
- «مەنىڭ وتىنىمدەرىم» بولىمىنە كىرەمىز؛
- «ناۋرىز» باعدارلاماسىن تاڭدايمىز؛
- شارتپەن تانىسىپ، ءۇي العىمىز كەلگەن ايماقتى بەلگىلەيمىز؛
- دەپوزيتتى تاڭداپ كەلىسىم بەرەمىز؛
- ءوزىمىزدىڭ جانە وتباسى مۇشەلەرىنىڭ اتىندا سوڭعى 5 جىلدا باسپانا بولماعانىن راستايمىز؛
ءوتىنىم بەرۋ پروسەسىن اياقتاۋ ءۇشىن ەسق ارقىلى قول قويامىز. باعدارلاماعا 18 جاستان 63 جاسقا دەيىنگى ازاماتتار قاتىسا الادى. باستاپقى جارنا:
- ارلەنگەن جاڭا پاتەر ءۇشىن — 10%؛
- ارلەنبەگەن جانە ەكىنشى نارىقتاعى باسپانا ءۇشىن — 20%؛
- شوتتا 2 ملن تەڭگە بولۋى شارت؛
- نەسيەنى وتەۋ مەرزىمى – 19 جىل.