بۇگىن كەيبىر جۇرگىزۋشىلەرگە ايىپپۇل سالىنۋى مۇمكىن

ماۋسىمعا سايكەس كەلمەيتىن شينالار ءۇشىن 5 اەك كولەمىندە ايىپپۇل قاراستىرىلعان، دەپ حابارلايدى aqshamnews.kz

بۇگىن قازاقستاندا قىسقى شينا ماۋسىمى رەسمي تۇردە باستالادى، ال جازعى شينامەن جۇرگەندەرگە ايىپپۇل سالىنۋى مۇمكىن.

قازاقستان رەسپۋبليكاسىنىڭ اكىمشىلىك قۇقىقبۇزۋشىلىق كودەكسىندە ماۋسىمعا سايكەس كەلمەيتىن شينالار ءۇشىن 5 اەك كولەمىندە ايىپپۇل قاراستىرىلعان، ال جىل ىشىندە وسىنداي قۇقىقبۇزۋشىلىق قايتالانسا، ايىپپۇل كولەمى 20 اەك-كە دەيىن ارتادى.

ۇزاققا سوزىلعان كۇز جانە قاردىڭ بولماۋى شينانى اۋىستىرۋدى كەشىكتىرۋگە سەبەپ ەمەس، ويتكەنى جازعى رەزينا سۋىقتا قاتايىپ، جولمەن ۇيكەلىس ناشارلايدى.

«دوڭعالاقتى كولىك قۇرالداردىڭ قاۋىپسىزدىگى تۋرالى» تەحنيكالىق رەگلامەنتكە سايكەس، جازعى شيناداعى پروتەكتور بيىكتىگى كەمىندە 1،6 مم، قىسقىدا 4 مم بولۋعا ءتيىس.

دوڭعالاقتا تاۋ شىڭى جانە قار ۇشقىنى بەلگىسى تاڭبالانۋى كەرەك، سونداي-اق «M+S»، «M&S» جانە «M S» ماركالارى بولۋى مىندەتتى.

ەگەر بارلىق مەزگىلگە ارنالعان شينالاردا وسى ماركالار بولسا، قىس كەزىندە ولاردى پايدالانۋعا بولادى. ولاي بولماعان جاعدايدا مۇنداي شينانى قولدانۋعا تىيىم سالىنادى.