كولىك الۋعا جەڭىلدىكپەن نەسيە بەرۋ باعدارلاماسى بويىنشا بۇرىنعى شارتتار وزگەرىسسىز قالدى
بۇگىننەن باستاپ جەڭىلدەتىلگەن نەسيە بويىنشا كولىك الۋ باعدارلاماسى بويىنشا وتىنىمدەردى قابىلداۋ باستالادى، دەپ حابارلايدى Almaty-akshamy.kz.
بۇعان دەيىن حابارلانعانداي وتىنىمدەردى قابىلداۋ استانا ۋاقىتى بويىنشا ساعات 10:00-دە www.autonesie.kz رەسمي سايتى ارقىلى جۇرگىزىلەدى. وسى ورايدا ءوتىنىم بەرۋ ءۇشىن كومپيۋتەر ارقىلى ەلەكتروندىق سيفرلىق قولتاڭبانى ەنگىزىپ، قوسىلۋعا بولادى. پلاتفورمادا تەك قازاقستان رەسپۋبليكاسىنىڭ اۋماعىندا تىركەلۋگە مۇمكىندىك بار.
«سايتتا ءوتىنىم بەرگەن كەزدە، ءوتىنىش بەرۋشىنىڭ دەرەكتەرى اۆتوماتتى تۇردە ەسق ارقىلى قالىپتاسادى. ءوتىنىش بەرۋشى مىندەتتى تۇردە تەلەفون ءنومىرىن ەنگىزىپ، اۆتوكولىك ءوندىرۋشى كومپانيانى تاڭداپ، وتىنىمگە قول قويادى. ءوتىنىمنىڭ تىركەلۋى بارىسى سايتتاعى «جەكە كابينەت» ارقىلى تەكسەرىلەدى»، - دەلىنگەن حابارلامادا.
كولىك الۋعا جەڭىلدىكپەن نەسيە بەرۋ باعدارلاماسى بويىنشا بۇرىنعى شارتتار وزگەرىسسىز قالدى:
- ءبىر اۆتوكولىكتىڭ قۇنى 15 ملن تەڭگەدەن اسپايدى؛
- قارجىلاندىرۋ سوماسى 10 ملن تەڭگەدەن ارتىق ەمەس؛
- قارجىلاندىرۋ مەرزىمى 7 جىلدان اسپايدى؛
- باستاپقى جارنا - 0 پايىز.
كولىك الۋعا جەڭىلدىكپەن نەسيە بەرۋ باعدارلاماسىنا «سارىارقااۆتوپروم» ج ش س مەن «Hyundai Trans Kazakhstan» ج ش س قاتىسادى. جەڭىلدەتىلگەن نەسيە الاتىن ادامنىڭ ءوتىنىمى ماقۇلدانسا، بۇل كومپانيالار 60 كۇننىڭ ىشىندە اۆتوكولىكتى جەتكىزۋى ءتيىس.
جالپى، اۆتوكولىك پەن نەسيەنى بەرۋدىڭ تولىق ءراسىمىن 60 كۇننىڭ ىشىندە اياقتاۋ كەرەك.
قازاقستاندىقتاردىڭ وتىنىمدەرى ءۇش سەبەپ بويىنشا قابىلدانباۋى مۇمكىن.
بىرىنشىدەن، وسىعان دەيىن باعدارلاما اياسىندا نەسيە السا، بۇل ادامنىڭ ءوتىنىمى قابىلدانبايدى.
ەكىنشىدەن، پلاتفورمادا وسى ادامنىڭ ءوتىنىمى بۇعان دەيىن ەنگىزىلىپ، قاراستىرۋ كەزەڭىنەن ءوتىپ جاتسا، جاڭا ءوتىنىمدى قوسۋ مۇمكىندىگى بولمايدى.
ۇشىنشىدەن، باعدارلاماعا قاتىسىپ جاتقان بانكتە قاراجات ءليميتى تاۋسىلسا، ءوتىنىم قابىلدانبايدى.
ءوتىنىمدى تەكسەرۋگە ءتيىستى ۋاقىت كەرەك بولادى. وسىدان كەيىن سايتتاعى «جەكە كابينەتتە» ءوتىنىم ماقۇلدانىپ، باعدارلاماعا قاتىساتىندار پۋلىنا ادامنىڭ قوسىلعانى تۋرالى حابارلاما كەلەدى.