قالامگەر 1952 جىلى م.گوركيي اتىنداعى ادەبيەت ينستيتۋتىن تامامداعان سوڭ قازاق راديوسىندا ىستەگەن. اباي اتىنداعى اكادەميالىق وپەرا جانە بالەت تەاترىنىڭ ادەبيەت ءبولىمىن باسقارعان، قوستاناي وبلىستىق گازەتىنىڭ مەنشىكتى ءتىلشىسى، مادەنيەت ءبولىمىنىڭ مەڭگەرۋشىسى بولعان.
مۇحامەدجان دۇزەنوۆتىڭ العاشقى ولەڭدەرى مەن اڭگىمەلەرى 1949 جىلدان باسپا بەتىندە جارىق كورە باستادى. بىرنەشە پوۆەست، رومان كىتاپتارى، درامالىق شىعارمالارى دۇنيەگە كەلدى. ءبىر اكتىلى پەسالار كونكۋرسىندا «ارالدىڭ التىن بالىعى» اتتى تۋىندىسى ەكىنشى بايگە الدى. بۇدان بولەك قالامگەر ۆ.ۆاسيليەۆسكايانىڭ «پلاميا نا بولوتاح» رومانىن، س.مارشاكتىڭ «ۋمنىە ۆەششي» پەساسى، ل.كاسسيلدىڭ «حود بەلوي كوروليەۆى» تۋىندىسىن قازاقشاعا اۋدارعان.