بۇل كۇن 2003 جىلى بۇۇ باس اسسامبلەياسىنىڭ شەشىمى بويىنشا سىبايلاس جەمقورلىق ماسەلەسى تۋرالى اقپاراتتاندىرۋدى ارتتىرۋ جانە وسى قۇبىلىسپەن كۇرەسۋ ءۇشىن حالىقارالىق قوعامداستىقتىڭ كۇش-جىگەرىن جۇمىلدىرۋ ماقساتىندا بەلگىلەندى، دەپ حابارلايدى almaty-akshamy.kz Zakon.kz-ke سىلتەمە جاساپ.
حالىقارالىق سىبايلاس جەمقورلىققا قارسى كۇرەس كۇنى جىل سايىن 9 جەلتوقساندا اتاپ وتىلەدى.
سىبايلاس جەمقورلىق - بۇل ءومىردىڭ ءارتۇرلى سالالارىن، سونىڭ ىشىندە ساياساتتى، بيزنەستى، ءبىلىم بەرۋ جانە باسقا سالالاردى قامتيتىن قۇبىلىس. بۇل قوعامنىڭ ينستيتۋتتارعا دەگەن سەنىمىنە، دامۋعا نۇقسان كەلتىرەدى جانە تەڭسىزدىككە اكەلىپ سوعادى. حالىقارالىق سىبايلاس جەمقورلىققا قارسى كۇرەس كۇنى مەملەكەتتەرگە، ۇكىمەتتەرگە، ۇيىمدار مەن ازاماتتارعا سىبايلاس جەمقورلىققا قارسى ءوز ۇستانىمدارىن ءبىراۋىزدان بىلدىرۋگە جانە وسى سالاداعى تاجىريبە مەن يدەيالارمەن الماسۋعا مۇمكىندىك بەرەدى.
2023 جىلى وسى زۇلىمدىقپەن كۇرەسۋدىڭ ءتيىمدى جانە پارمەندى قۇرالى بولىپ تابىلاتىن بۇۇ-نىڭ سىبايلاس جەمقورلىققا قارسى كونۆەنسياسىنىڭ قابىلدانۋىنا 20 جىل تولۋى اتاپ وتىلەدى. باس اسسامبلەيانىڭ قارارىندا كورسەتىلگەندەي، اتالعان حالىقارالىق كۇندى بەلگىلەۋدەگى ماقسات سىبايلاس جەمقورلىق پروبلەماسىن، كونۆەنسيانىڭ سىبايلاس جەمقورلىقتىڭ الدىن الۋداعى جانە وعان قارسى كۇرەستەگى ءرولىن ءتۇسىندىرۋدى تەرەڭدەتۋ بولىپ تابىلادى.
بۇل كۇننىڭ نەگىزگى مىندەتى سىبايلاس جەمقورلىق پروبلەماسىنا جۇرتشىلىقتىڭ نازارىن اۋدارۋ، سونداي-اق ونىڭ الدىن الۋ، ونىمەن جاھاندىق جانە ۇلتتىق دەڭگەيدە كۇرەسۋ جونىندەگى شارالاردى ىنتالاندىرۋ بولىپ تابىلادى.
Ranking.kz دەرەكتەرىنە سۇيەنسەك، Transparency International، ياعني سىبايلاس جەمقورلىقتى قابىلداۋ يندەكسىندە 2022 جىلى قازاقستان 180 ەلدىڭ ىشىندە 101ء-شى ورىنعا يە بولىپ، تەك 36 بالل جيناي الدى. ال 2021 جىلى بۇل رەتتە ەلىمىز 37 بالل يەلەنگەن ەدى.
اتالعان رەيتينگتە قر-مەن قاتار تۇرعان ەلدەردىڭ ءبىرى - تانزانيا (38 بالل) جانە مالاۆي (34 بالل). يندەكستەۋدە 0-دەن 100-گە دەيىنگى شكالا ارالىعى قولدانىلادى، مۇندا 0 سىبايلاس جەمقورلىقتىڭ وتە جوعارى دەڭگەيى، ال 100 وتە تومەن دەڭگەيىن بىلدىرەدى.