بۇگىن - حالىقارالىق قار بارىسى كۇنى

ەلىمىزدە 130-عا جۋىق قار بارىسى بار

23 قازاندا الەمدە حالىقارالىق قار بارىسى كۇنى اتاپ وتىلەدى. بۇل كۇن 2013 جىلى بىشكەكتەگى قار بارىسىن قورعاۋ تۋرالى وتكەن دۇنيەجۇزىلىك فورۋمدا بەكىتىلدى، دەپ حابارلايدى Almaty-akshamy.kz ق ر ەكولوگيا مينيسترلىگىنىڭ باسپا ءسوز قىزمەتىنە سىلتەمە جاساپ.

قار بارىسى تارالۋ اۋقىمى مەن سانى ازايا باستاعان جىرتقىش رەتىندە قازاقستاننىڭ قىزىل كىتابىنا ەنگەن.

ەكولوگيا، گەولوگيا جانە تابيعي رەسۋرستار مينيسترلىگى ەلىمىزدە 130-عا جۋىق قار بارىسى بار ەكەنىن حابارلايدى.

ولار 9 ەرەكشە قورعالاتىن تابيعي اۋماقتاردا مەكەندەيدى: ىلە الاتاۋى، جوڭعار الاتاۋى، كولساي كولدەرى، كاتون قاراعاي، سايرام-وگەم، شارىن، التىن ەمەل مۇتپ، اقسۋ-جاباعىلى جانە الماتى مەملەكەتتىك تابيعي قورىقتارى.

بۇۇ دامۋ باعدارلاماسى اياسىندا «قار بارىسىن ساقتاۋ جونىندەگى ۇلتتىق ءىس-قيمىل جوسپارى» ازىرلەندى. جوسپاردىڭ ماقساتى قار بارىسىنىڭ پوپۋلياسياسىن عىلىمي زەرتتەۋ بولىپ تابىلادى.

فوتوتۇزاق ارقىلى «التىن-ەمەل» مۇتپ اۋماعىن دا قار بىرىسى مەكەن ەتەتىنى انىقتالدى. مۇندا قار بارىسىنىڭ وتباسى تىركەلگەن.
قار بارىسى 2700-5000 مەتر بيىكتىكتە ءومىر سۇرەدى. قۇيرىعىنىڭ ۇزىندىعى 1 مەترگە، دەنەسىنىڭ ۇزىندىعى 2،1 م جەتەتىندەرى دە كەزدەسەدى.

قار بارىسى قازاقستاننان بولەك جۇڭگو، موڭعوليا، ينديا، نەپال، قىرعىزستان، پاكىستان، تاجىكستان، رەسەي، اۋعانستان، بۋتان، وزبەكستان جەرلەرىندە دە كەزدەسەدى.

جەر بەتىندەگى قار بارىسىنىڭ جالپى سانى 4-6 مىڭ ارالىعىندا.