ناۋرىزدىڭ 4-نە ارنالعان اۋا رايى بولجامى
ق ر باسىم بولىگىندە بۇگىن جەرورتا تەڭىزى اۋداندارىنان كەلەتىن سيكلونننىڭ ىقپالىنا بايلانىستى كۇن قۇبىلمالى بولادى، دەپ حابارلايدى Almaty-akshamy.kz «قازگيدرومەت» رمك سىلتەمە جاساپ.
رەسپۋبليكانىڭ باتىسىندا، سولتۇستىك-باتىسىندا، سولتۇستىگىندە، وڭتۇستىك-شىعىسىندا جاۋىن-شاشىن، كوبىنە جاڭبىر تۇرىندە، كۇندىز وبلىستىڭ باتىسىندا نوسەر جاۋىن جاۋىپ، نايزاعاي وينايدى.
ەلىمىزدىڭ وڭتۇستىگىندە، ورتالىعىندا، شىعىسىندا كۇن جاۋىن-شاشىنسىز بولادى. رەسپۋبليكا بويىنشا كەي جەرلەردە جەل كۇشەيەدى، تۇمان تۇسەدى. باتىس قازاقستان وبلىسىنىڭ سولتۇستىگىندە، شىعىسىندا تۇمان ءتۇسىپ، كوكتايعاق بولادى، وبلىستىڭ سولتۇستىك-باتىسىندا، باتىسىندا جەل سەكۋندىنا 15-20 مەتر جىلدامدىقپەن سوعادى.
اتىراۋ، ماڭعىستاۋ وبلىستارىندا جەلدىڭ كۇشەيۋى تۇندە وبلىستارىنىڭ باتىسىندا جانە ورتالىعىندا 15-20 م/س، كۇندىز 15-20 م/س، ەكپىنى 23-28 م/س، كۇندىز ماڭعىستاۋ وبلىسىندا كەي ۋاقىتتاردا 30 م/س جانە ودان اسا كۇتىلەدى.
اقتوبە وبلىسىنىڭ سولتۇستىك-شىعىسىندا تۇمان ءتۇسىپ، باتىسىندا جەل سەكۋندىنا 15-20 مەترگە دەيىن كۇشەيەدى.
قوستاناي وبلىسىنىڭ سولتۇستىگىندە، وڭتۇستىگىندە تۇمان، كۇندىز وبلىستىڭ وڭتۇستىگىندە كوكتايعاق بولادى.
اقمولا وبلىسىنىڭ باسىم بولىگىندە، سولتۇستىك قازاقستان، پاۆلودار وبلىستارىنىڭ وڭتۇستىگىندە، قاراعاندى وبلىسىنىڭ سولتۇستىگىندە، باتىسىندا، ورتالىعىندا تۇمان تۇسەدى.
تۇندە جانە تاڭەرتەڭ شىعىس قازاقستان وبلىسىنىڭ باتىسى مەن سولتۇستىگىندە تۇمان تۇسەدى، وبلىستىڭ باتىسىندا جەلدىڭ جىلدامدىعى سەكۋندىنا 15-20 مەترگە جەتەدى.
قىزىلوردا وبلىسىنىڭ سولتۇستىگىندە، ورتالىعىندا – تۇمان، كۇندىز وبلىستىڭ ورتالىعىندا 15-20 م/س جەل كۇشەيەدى.
جامبىل وبلىسىنىڭ سولتۇستىگىندە، تاۋلى اۋداندارىندا تۇمان ءتۇسىپ، جەلدىڭ جىلدامدىعى سەكۋندىنا 15-20 مەترگە جەتەدى.
تۇندە جانە تاڭەرتەڭ الماتى وبلىسىنىڭ شىعىسىندا، تاۋلى اۋداندارىندا تۇمان كۇتىلەدى، كۇندىز جالاڭاشكول اۋدانىندا 15-20 م/س جەل كۇشەيەدى.
كۇندىز تۇركىستان وبلىسىنىڭ تاۋلى اۋداندارىندا جەل 15-20 م/س كۇشەيەدى.