بۇگىن ەلىمىز بويىنشا سيرەنا قوسىلادى

استانا ۋاقىتىمەن ساعات 12.55-تە.

"بارشانىڭ نازارىنا!" دابىلى بويىنشا اۋماقتىق دەڭگەيدەگى قۇلاقتاندىرۋ جۇيەسىنىڭ دايىندىعىن تەكسەرۋ ماقساتىندا 8 اقپان كۇنى ساعات 12.55-تە (استانا ۋاقىتى بويىنشا) بارلىق دىبىستىق ەلەكتر دابىلى قوسىلادى، دەپ حابارلايدى Almaty-akshamy.kz

2024 جىلعى 8-9 اقپاندا ەلىمىزدە "سۋ تاسقىنى كەزەڭى جاعدايلارىنداعى توتەنشە جاعدايلاردى جويۋ كەزىندەگى ءىس-قيمىلدارعا ازاماتتىق قورعاۋدىڭ مەملەكەتتىك جۇيەسىنىڭ باسقارۋ ورگاندارىن، كۇشتەرى مەن قۇرالدارىن دايىنداۋ" تاقىرىبى بويىنشا "كوكتەم-2024" رەسپۋبليكالىق كوماندالىق-شتابتىق وقۋ-جاتتىعۋى وتەدى.

وقۋ ۇيلەستىرۋ جانە جەتەكشىلىك ەتۋ جونىندەگى رەسپۋبليكالىق شتاب اقتوبەدە ورنالاسادى. وقۋ-جاتتىعۋ شەڭبەرىندە ەكى كۇن بويى بارلىق وڭىرلەردە پروفيلاكتيكالىق ءىس-شارالار كەشەنى وتكىزىلەدى.

"سونىمەن قاتار "بارشانىڭ نازارىنا!" دابىلى بويىنشا اۋماقتىق دەڭگەيدەگى قۇلاقتاندىرۋ جۇيەسىنىڭ دايىندىعىن تەكسەرۋ ماقساتىندا 8 اقپاندا، ساعات 12.55-دە (استانا ۋاقىتى بويىنشا) بارلىق دىبىستىق ەلەكتر دابىلى قوسىلادى. تىنىشتىق ساقتاۋلارىڭىزدى جانە ۇرەيگە بوي الدىرماۋلارىڭىزدى سۇرايمىز"، دەگەن حابارلاما تاراتتى ق ر تجد باسپا ءسوز قىزمەتى.