ەلەنا رىباكينانىڭ قارسىلاسى الەمنىڭ بەسىنشى راكەتكاسى - ارينا سوبولەنكو.
بۇگىن اۋستراليا اشىق بىرىنشىلىگىنىڭ فينالىندا قازاقستاندىق ەلەنا رىباكينا مەن الەمنىڭ 5-راكەتكاسى، بەلارۋس وكىلى ارينا سوبولەنكو چەمپيوندىق اتاقتى ساراپقا سالادى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
قوس تەننيسشى دە اۋستراليا اشىق چەمپيوناتىنىڭ فينالىنا العاش رەت شىعىپ وتىر.
بۇعان دەيىن 23 جاستاعى ەلەنا رىباكينا 2020 جىلى ءۇشىنشى اينالىمعا دەيىن جەتكەن ەدى. ال ودان ءبىر جاسقا ۇلكەن ارينا سوبولەنكو ءتورتىنشى اينالىمنان اسىپ كورگەن ەمەس.
ە.رىباكينانىڭ وتكەن جىلى ۋيمبلدون ءتۋرنيرىنىڭ چەمپيونى اتانعانى بەلگىلى. ا.سوبولەنكو 2021 جىلى ۋيمبلدون مەن US Open، 2022 جىلى US Open دوداسىندا جارتىلاي فينالعا دەيىن جەتكەن. بۇل ونىڭ «ۇلكەن دۋلىعا» تۋرنيرىندەگى العاشقى فينالى بولماق.
قارسىلاستار ءوزارا ءۇش رەت كەزدەسىپ، بارىندە دە بەلارۋستىك تەننيسشى ءۇش سەتتە باسىم تۇسكەن.
فينالدىق ماچ سەنبى كۇنى استانا ۋاقىتىمەن ساعات 14.30-دا باستالادى.
اۋستراليا اشىق چەمپيوناتىنىڭ جالپى جۇلدە قورى 51،3 ملن اقش دوللارىنان اسادى.