بۇگىن ەلدىڭ باسىم بولىگىندە نايزاعاي ويناپ، جاڭبىر جاۋۋى ىقتيمال

2 تامىزعا ارنالعان اۋا رايى بولجامى.

اتموسفەرالىق فرونتالدى بولىكتەردىڭ وتۋىمەن ەلىمىزدىڭ باسىم بولىگىندە جاڭبىر مەن نايزاعاي بولجانادى. تەك ەلىمىزدىڭ باتىسى مەن سولتۇستىك-باتىسىندا جاۋىن-شاشىنسىز كۇن رايى قالىپتاسادى. سولتۇستىكتە تۇندە جانە تاڭەرتەڭ تۇمان، كۇندىز داۋىل، بۇرشاق كۇتىلەدى. رەسپۋبليكانىڭ بارلىق اۋماعىندا جەل تۇرادى، دەپ حابارلايدى Almaty-akshamy.kz «قازگيدرومەت» رمك-عا سىلتەمە جاساپ.

اتاپ ايتقاندا، كۇندىز الماتى، جامبىل، تۇركىستان، قىزىلوردا، اتىراۋ، جەتىسۋ، اباي، ماڭعىستاۋ، پاۆلودار وبلىستارىندا، ۇلىتاۋ، قوستاناي، اقتوبە، باتىس قازاقستان، شىعىس قازاقستان، قاراعاندى وبلىستارىنىڭ وڭتۇستىگىندە 35-40°س قاتتى ىستىق كۇتىلەدى.

كۇندىز الماتى وبلىسىندا 40-42°س وتتە قاتتى ىستىق بولادى.

اقمولا، سولتۇستىك قازاقستان وبلىستارىندا، باتىس قازاقستان وبلىسىنىڭ وڭتۇستىگى مەن ورتالىعىندا، اتىراۋ وبلىسىنىڭ سولتۇستىگىندە ءورت تۇتانۋدىڭ جوعارى ءقاۋپى بولادى.

ماڭعىستاۋ، تۇركىستان، الماتى، جامبىل، شىعىس قازاقستان، قاراعاندى، قىزىلوردا، ۇلىتاۋ، جەتىسۋ، اباي وبلىستارىندا، قوستاناي، اقتوبە وبلىستارىنىڭ وڭتۇستىگىندە، اتىراۋ وبلىسىنىڭ باتىسى مەن شىعىسىندا، پاۆلودار وبلىسىنىڭ وڭتۇستىگى مەن شىعىسىندا، اقمولا وبلىسىنىڭ وڭتۇستىگى مەن باتىسىندا ءورت تۇتانۋدىڭ اسا جوعارى ءقاۋپى كۇتىلەدى.