بۇگىن ەلدىڭ باسىم بولىگىندە نايزاعاي جارقىلداپ، جاۋىن جاۋادى

قازگيدرومەت سينوپتيكتەرى 16 تامىز، سارسەنبىگە ارنالعان اۋا رايى بولجامىن جاريالادى.

وعان سەنسەك، اتموسفەرالىق فرونتتاردىڭ اسەرىنەن ق ر باسىم بولىگىندە نايزاعايلى جاڭبىر بولادى، دەپ حابارلايدى Almaty-akshamy.kz.

ەلىمىزدىڭ وڭتۇستىك-شىعىسىندا جانە شىعىستا تاۋلى اۋدانداردا جاۋىن-شاشىن (جاڭبىر جانە جىلبىسقى قار) جاۋادى.

تەك رەسپۋبليكانىڭ وڭتۇستىگىندە، سولتۇستىگىندە جانە ورتالىعىندا جوعارى اتموسفەرالىق قىسىم اسەرىنەن جاۋىن-شاشىنسىز اۋا رايى ساقتالادى.

رەسپۋبليكا بويىنشا ەكپىندى جەل تۇرادى.

ەلدىڭ سولتۇستىگىندە جانە ورتالىعىندا تۇندە جانە تاڭەرتەڭ تۇمان تۇسەدى. كۇندىز ەلىمىزدىڭ شىعىسىندا بۇرشاق جاۋۋى ىقتيمال.

كۇندىز اتىراۋ وبلىسىنىڭ باسىم بولىگىندە 36°س دەيىن قاتتى ىستىق بولادى.

اتىراۋ، ماڭعىستاۋ، جامبىل، قىزىلوردا، اقتوبە، باتىس قازاقستان وبلىستارىندا، قوستانايدىڭ وڭتۇستىگىندە، قاراعاندى قالاسىنىڭ ورتالىعىندا، الماتى وبلىسىنىڭ سولتۇستىگىندە، تۇركىستان وبلىسىنىڭ سولتۇستىگىندە، باتىسىندا، وڭتۇستىگىندە، ءشولدى اۋداندارىندا، جەتىسۋ وبلىسىنىڭ باتىسىندا توتەنشە ءورت ءقاۋپى بار.

سولتۇستىك قازاقستان وبلىسىنىڭ سولتۇستىگىندە، باتىسىندا، الماتى وبلىسىنىڭ وڭتۇستىگىندە، اقمولا وبلىسىنىڭ باتىسىندا ءورت ءقاۋپى جوعارى.